Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 210 Hüküm no: 192 Orijinal metin no: [28b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf b. Abdullah’ın üzerine çocukları Emine ve Rabia için nafaka takdiri Medîne-i Hazret-i Ebâ Eyyûb-i Ensârî’de Evlice Baba mahallesi sâkinelerinden işbu râfi‘atü’l-kitâb Fâtıma bt. Mehmed nâm hâtun meclis-i şer‘-i şerîfde takrîr-i kelâm ve bast-ı merâm edip zevc-i mutallıkım gāib ani’l-meclis Yusuf b. Abdullah’ın firâşından [hâsıl ve benden] mütevellide hâlâ bi hakki’l-hidâne hucr ve terbiyemde olan Emine ve Râbia nâm sagīrler için babası mezbûr Yusuf üzerine kadr-i kifâye nafaka ve kisve-bahâ takdîr olunmak matlûbumdur dedikde hâkim-i muvakki‘-i sadr-ı kitâb tûbâ-leh ve hüsnü me’âb hazretleri dahi sagīretân-ı merkūmetânın nafaka ve kisve-bahâları için babaları mezbûr üzerine târih-i kitâbdan her biri için yevmî beşer akçe farz ve takdîr edip meblağ-ı mefrûz-ı mezkûru harc ve sarfa ve lede’l-hâce istidâneye ve vakt-i zaferde mezbûr Yusuf üzerine rücû‘a izin birle mâ vaka‘a kayd şüd. Fi’l-yevmi’l-hâmis aşer min Şevvâli’l-mükerrem li sene tis‘în ve elf. Şuhûdü’l-hâl: Mehmed b. Eyüb, Mehmed b. Mahmud, Ali b. Abdullah, Hüseyin b. Ali.