|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 222 Hüküm no: 210 Orijinal metin no: [31a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ebûbekir Çavuş’un karısı Râziye bt. Abdullah’a borçlu olduğu
Mahmiye-i İstanbul hısnı ebvâbından Balatkapısı dâhilinde Çavuş Mescidi mahallesinde sâkin olup dergâh-ı âlî çavuşlarından olan orta boylu kumral sakallı kara gözlü Ebûbekir Çavuş b. Emrullah nâm kimesne meclis-i şer‘-i şerîfde zevce-i menkûhası işbu râfi‘atü’l-kitâb Râziye bt. Abdullah nâm hâtun mahzarında tâyi‘an ikrâr-ı tâm ve takrîr-i kelâm edip târih-i kitâbdan on altı ay mukaddem zevce-i menkûham merkūme Râziye Hâtun yedinden altı yüz kıt‘a esedî guruş istikrâz ve ahz ve kabz etmişidim hâlâ meblağ-ı mastûr altı yüz esedî guruş mersûme Râziye Hâtun’a zimmetimde lâzımü’l-kazâ ve vâcibü’l-edâ deynimdir dedikde gıbbe’t-tasdîki’ş-şer‘î mâ cerâ bi’t-taleb kayd şüd. Fî selhi Şevvâli’l-mükerrem li sene tis‘în ve elf.
Şuhûdü’l-hâl: Selim Beşe b. Süleyman, Murad Çelebi b. Hüseyin, el-Hâc Mustafa b. ( ), Ahmed Efendi b. Mustafa, Mehmed b. Eyüb.
|