.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 234
Hüküm no: 226
Orijinal metin no: [33a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mahmud b. İsa’yı döven Sâlih b. Abdullah’a tâzir cezası verilmesi

Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî-’de Takyecibaşı mahallesinde sâkin râfi‘ü’l-kitâb Mahmud b. İsa nâm kimesne mahfil-i kazâda yine mahalle-i mezbûrede sâkin Sâlih b. Abdullah mahzarında üzerine da‘vâ takrîr-i kelâm edip mezbûr Sâlih târih-i kitâbdan bir gün mukaddem vakt-i mağribde medîne-i mezbûrede Tevbe fırını kurbunda bıçak ile üzerime hücûm edip başıma ve arkama yumruk ile bi gayri hakkın darb eyledi suâl olunup mûcebi icrâ olunması matlûbumdur dedikde gıbbe’s-suâl merkūm Sâlih cevâbında ber vech-i muharrer müdde‘î-i mezbûr Mahmud’u vakt-i mezkûrede yumruk ile başına ve arkasına darb eyledim deyû tav‘an ikrâr etmeğin alâ mûcebi ikrârihî mezbûr Sâlih ta‘zîre tenbîh birle mâ vaka‘a kayd şüd. Fi’l-yevmi’l-hâdî aşer min Zilka‘deti’ş-şerîfe li sene tis‘în ve elf.


Şuhûdü’l-hâl: Veli Bey b. Mehmed, Hasan b. İbrahim, Ramazan b. Hasan, İbrahim b. Mehmed ve gayruhüm.