.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 241
Hüküm no: 237
Orijinal metin no: [35a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yorgo v. Nikola’nın evini Üsküve v. Duka’ya satması

Havâss-ı Aliyye kazâsına tâbi‘ Avasya nâm karyede sâkin Yorgo v. Nikola nâm zimmî meclis-i şer‘-i şerîfde işbu râfi‘ü’l-kitâb Üsküve v. Duka nâm zimmî muvâcehesinde ikrâr ve i‘tirâf edip akd-i âti’z-zikrin sudûruna değin silk-i mülk-i sahîhimde münselik olup karye-i mezbûrede vâki‘ iki tarafı Riga v. Yani zimmî mülkü ve bir tarafı Zoto nâm zimmî mülkü ve bir tarafı tarîk-i âm ile mahdûd bir bâb fevkānî oda ve bir ahırı ve bir mikdâr arsa-i hâliyeyi müştemil mülk-i mevr[û]s menzilimi cemî‘ tevâbi‘ ve levâhıkı ile mezbûr Üsküve’ye yirmi esedî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm ol dahi minvâl-i muharrer üzre iştirâ ve tesellüm ve kabz ve kabûl eyledikden sonra semeni olan meblağ-ı mezbûr yirmi esedî guruşu yedinden bi’t-tamâm ve’l-kemâl ahz ve kabz eyledim ba‘de’l-yevm menzil-i mahdûd-ı mezkûrda vechen mine’l-vücûh alâka ve medhalim yokdur mezbûr Üsküve’nin mülk-i müşterâsı olmuşdur keyfe mâ yeşâ’ mutasarrıf olsun dedikde gıbbe’t-tasdîki’ş-şer‘î mâ hüve’l-vâki‘ kayd şüd. Fi’l-yevmi’l-hâdî ve’l-ışrîn li sene tis‘în ve elf.


Şuhûdü’l-hâl: Huddâm.