|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 245 Hüküm no: 243 Orijinal metin no: [36a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed Çelebi b. Mustafa ile Mehmed Çavuş b. Abdullah’ın birbirleriyle anlaştıkları
Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî-’de Sofular mahallesi sâkinlerinden Mehmed Çelebi b. Mustafa nâm kimesne meclis-i şer‘-i şerîfde işbu râfi‘ü’l-kitâb Mehmed Çavuş b. Abdullah tarafından husûs-ı âti’l-beyânı tasdîke vekîl olup hasm-ı câhid-i şer‘î muvâcehesinde Mehmed Çelebi b. Mustafa ve Osman Çelebi b. Mehmed Usta nâm kimesneler şehâdetleriyle şer‘an vekâleti sâbite olan es-Seyyid Mahmud Çelebi b. es-Seyyid Mehmed mahzarında tav‘an ikrâr ve takrîr-i kelâm edip müvekkil-i mezbûr Mehmed Çavuş ile cihâta ve sâir nukūd ve urûza müte‘allika beynimizde nice dâm ü sited olmuşidi el-hâletü hâzihî ben âmme-i da‘vâ ve nizâ‘dan müvekkil-i mezbûr Mehmed Çavuş zimmetini ibrâ-i âmm-ı kātı‘ü’n-nizâ‘la ibrâ ve iskāt edip ol dahi benim zimmetimi ibrâ ve iskāt eyledi dedikde ahadühümâ âharın kelimâtını vicâhen ve şifâhen tasdîk ve tasdîk etmeğin mâ vaka‘a kayd şüd. Min Zilka‘deti’ş-şerîfe sene [10]90.
Şuhûdü’l-hâl: Abdullah Efendi b. Ahmed, Mehmed Efendi b. Süleyman, Mehmed Efendi b. Ahmed, Ali Çavuş b. Mehmed, Mehmed Ağa b. Eyüb, Yusuf Usta [b.] Zeynelabidin.
|