|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 252 Hüküm no: 253 Orijinal metin no: [37a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Polihroni v. Şiro’nun, bağını Nikola v. Mihal’e satması
Vilâyet-i Rumeli’nde medîne-i Yenişehir müzâfâtından Kûhistan nâhiyesine tâbi‘ Palyokasrı nâm karye sâkinlerinden Polihroni v. Şiro nâm zimmî meclis-i şer‘-i şerîfde işbu râfi‘ü’r-rakīm Nikola v. Mihal nâm zimmî muvâcehesinde tav‘an ikrâr-ı tâm ve takrîr-i kelâm edip akd-i âtî sudûruna değin silk-i mülkümde münselik olup karye-i mezbûrede vâki‘ bir tarafdan Kosta v. Şiro bağı ve bir tarafdan Yorgi nâm zimmî bağı ve bir tarafdan İskaro Polonik bağı [37b] ve bir tarafdan tarîk-i âm ile mahdûd bir kıt‘a bağı, cemî‘ hukūk ve rüsûmuyla merkūm Nikola’ya bin yüz fıddî râyic fi’l-vakt akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi ber vech-i muharrer iştirâ ve kabûl eyleyip semeni olan meblağ-ı mezkûru mersûm Nikola yedinden tamâmen ahz ve kabz eylediğimden sonra sâlifü’z-zikr bağı mahallinde zabt ve tasarrufa mesfûr Nikola’yı taslît eyledim dedikde gıbbe’t-tasdîki’ş-şer‘î mâ vaka‘a kayd şüd. Fî gurreti Zilhicceti’ş-şerîfe li sene tis‘în ve elf.
Şuhûdü’l-hâl: Mehmed b. Eyüb, Hasan b. Abdullah, Ali b. Abdullah ve gayruhüm mine’l-huzzâr.
|