.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 255
Hüküm no: 257
Orijinal metin no: [38a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Merhûme Meryem’in vakf ettiği eve mütevelli tayini

Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- mahallâtından Ahmed Dede mahallesinde vâki‘ merhûme Meryem nâm sâhibetü’l-hayr[ın] vakf ve gallesini mahalle-i merkūme i[mâ]mına şart ve ta‘yîn eylediği bir tarafdan mahalle-i mezbûre mescid-i şerîfi ve bir tarafdan mahalle-i merkūme i[mâ]mına vakıf menzil ve bir tarafdan Attârzâde kızı Ârife nâm hâtun mülkü ve bir tarafdan tarîk-i hâs ile mahdûd menzili âhara îcâr için bir mütevellî nasb olunmak lâzım ve mühim olmağla hâkim-i muvakki‘-i sadr-ı kitâb tûbâ-lehû ve hüsnü me’âb hazretleri dahi işbu râfi‘ü’l-kitâb yine mahalle-i mezbûre imâmı olan Abdullah Efendi b. Mehmed nâm kimesneyi menzil-i mahdûd-ı mezkûra hasbî mütevellî nasb ve ta‘yîn eyledikde ol dahi tevliyyet-i mezkûreyi kabûl ve levâzımını edâya ta‘ahhüd ve iltizâm etmeğin mâ cerâ bi’t-taleb ketb olundu. Fî gurre-i Zilhicceti’ş-şerîfe sene [10]90.


Şuhûdü’l-hâl: es-Sâbikūn.