Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 355 Hüküm no: 406 Orijinal metin no: [56a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. David b. Malkoç’un, ölen Karakaş Mehmed Ağa’nın oğlu Abdi’den alınan borca kefil olduğu Mahmiye-i İstanbul’da Sulu Manastır papazı olan David v. Malkoç nâm zimmî meclis-i şer‘-i şerîfde mahmiye-i mezbûrede Karagümrük kurbunda Hoca Üveys mahallesi ahâlîsinden olup Limye muhâfazasında iken bundan akdem vefât eden Karakaş Mehmed Ağa b. Abdi’nin sulbî oğlu Abdi nâm sagīrin kıbel-i şer‘den mansûb hâlâ vasîsi olan râfi‘ü’l-kitâb Hasan Beşe [b.] Hacı Musa nâm kimesne mahzarında ikrâr ve takrîr-i kelâm edip Manuk v. Malkon nâm zimmînin zimmetinde sagīr-i mezbûr malından vasiyy-i sâbık yedinden makbûz sekiz yüz esedî guruş ve semeni târih-i kitâbdan bir sene tamâmına değin müeccel vasiyy-i mezbûr yedinden müşterâ ve makbûz beynlerinde ma‘lûm kitâb bahâsından yüz yirmi esedî guruş cem‘an dokuz yüz yirmi esedî guruş deyni olmağla meblağ-ı mezbûra mezbûr Manuk’un emri ile ben kefîl oldum dedikde gıbbe’t-tasdîk tüccâr tâifesinden Kamber v. Melkon ve Etyan v. Yani ve Aritun v. Mardiros ve Argir v. Atse ve mezbûr Manuk’un karındaşı Bağdasar nâm zimmîler cihet-i kefâlet-i mezkûrdan mezbûr Papa David’in zimmetinde lâzım gelen dokuz yüz yirmi esedî guruşa emri ile ale’l-iştirâki’s-seviy kefîl olmağın mâ vaka‘a bi’t-taleb ketb olundu. Fî selhi Cemâziyelâhir li sene seb‘a ve seb‘în ve elf. Şuhûdü’l-hâl: Mehmed Çelebi b. Mustafa, Ahmed Çelebi b. Mehmed, Veli Bey b. Musa, Mehmed Efendi b. Ömer, es-Seyyid Ebûbekir Çelebi b. Cafer, Ahmed Çelebi b. Hacı Sâlih.