.:: İstanbul Kadı Sicilleri ::.


Bab Mahkemesi 3 Numaralı Sicil (H. 1077 / M. 1666 - 1667)
cilt: 17, sayfa: 355
Hüküm no: 407
Orijinal metin no: [56b-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Akıl hastası olan Raziye bt. Abdullah’ın, boşandığı kocasındaki mehir ve diğer eşyalarının vasîsi Ali Çelebi b. Hüseyin tarafından alındığı

Mahmiye-i İstanbul’da Müneccim mahallesi sâkinelerinden olup cünûn-ı mutbık ile mecnûne olan Râziye bt. Abdullah nâm hâtunun ahvâlini zabt ve emvâlini hıfz için taraf-ı şer‘den vasî nasb ve ta‘yîn olundukda vesâyet-i mezbûre[yi] kabûl eden Ali Çelebi b. Hüseyin nâm kimesne meclis-i şer‘-i şerîfde mezbûr Râziye’nin zevc-i mutallıkı râfi‘ü’l-kitâb Mehmed Çelebi b. Süleyman nâm kimesne mahzarında ikrâr ve takrîr-i kelâm edip mezbûre Râziye’nin mülkü olup mezbûr Mehmed Çelebi yedinde olan beynimizde ma‘lûm bir müsta‘mel kaliçe ve cedîd iki oyan keçesi [ve] bir seccâde ve üç müsta‘mel Bursa yastığı ve üç yemeni yastık ve üç minder kılıfı ve üç müsta‘mel kırmızı beledî döşek ve müsta‘mel yemeni yorgan ve bir müsta‘mel yeşil çukaya kaplı tilki kürkü ve bir müsta‘mel kırmızı bogasi entari ve bir müsta‘mel takye ve bir münakkaş kahve makraması ve iki alaca bohça ve bir müsta‘mel kırmızı atlas zıbın ve bir hamam döşemesi ve bir makrama ve bir müsta‘mel çarşaf ve iki don ve iki sagīr sepet sandığı ve bir leğen ve bir ibrik ve bir kebîr tencere ve bir hamam tası ve yedi orta sahan ve bir sagīr sahan ve bir şamdan ve mezbûre Râziye’nin mezbûr Mehmed Çelebi zimmetinde mütekarrir olan iki bin yüz akçe mehr-i müeccelini mezbûr Mehmed Çelebi yedinden ahz u kabz eyledim min ba‘d mezbûre Râziye’nin mezbûr Mehmed Çelebi zimmetinde hakkı ve yedinde bir nesnesi kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin min Recebi’l-ferd li sene seb‘a ve seb‘în ve elf.


Şuhûdü’l-hâl: Mustafa Efendi b. Yusuf el-İmâm, Şaban Efendi b. Ahmed el-İmâm, Hasan Çavuş b. ( ) el-Mübâşir, Mehmed Çelebi Kethüdâ-yı muhzırân.