.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 256
Hüküm no: 259
Orijinal metin no: [38a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İbrahim Ağa b. Mustafa’nın kölesi Hüseyin’i azat etmesi

Medîne-i Hazret-i Ebâ Eyyûb-i Ensârî -radiyallâhu anhu Rabbühü’l-Bârî-’de Otakçılar mahallesi sükkânından fahrü’l-eşbâh İbrahim Ağa b. Mustafa meclis-i şer‘-i hatîr-i lâzımü’t-tevkīrde kendiye rıkkını mu‘terif olan orta boylu çatık kaşlı kara gözlü Rûsiyyü’l-asl işbu râfi‘ü’l-kitâb Hüseyin b. Abdullah nâm abd-i memlûkü mahzarında tav‘an ikrâr-ı tâm ve takrîr-i kelâm edip abd-i memlûküm olan mevsûf-ı mezkûr Hüseyin’i cemî‘ malımdan ifrâz edip hasbeten lillâhi’l-ganiyyi’l-hallâk i‘tâk ve zümre-i ahrâr-ı asliyyâta idrâc ve ilhâk eyledim ba‘de’l-yevm mevsûf-ı mezkûr Hüseyin sâir ahrâr-ı asliyyîn gibi hür olup üzerinde hakk-ı velâdan gayrı hakkım kalmadı dedikde mâ vaka‘a bi’l-ibtigā ketb olundu. Fi’t-tâsi‘ min Zilhicceti’ş-şerîfe sene 1090.


Şuhûdü’l-hâl: Mehmed Efendi b. İbrahim el-İmâm, Ahmed Çelebi b. Receb, Hasan Çelebi b. Mustafa, Mehmed b. Eyüb ve gayruhüm mine’l-huzzâr.