.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 257
Hüküm no: 262
Orijinal metin no: [38b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Meydan v. Dimo’nun Şaban b. Mustafa’nın ev duvarını yıkıp, duvar tahtası ve sırığını aldığı

Medîne-i Hazret-i Ebâ Eyyûb el-Ensârî -radiye anhu Rabbühü’l-Bârî-’de Kar[a] Süleyman Çelebi mahallesinde sâkin işbu râfi‘ü’l-kitâb Şaban Bey b. Mustafa nâm kimesne meclis-i şer‘-i şerîfde Meydan v. Dimo nâm zimmî muvâcehesinde üzerine da‘vâ ve takrîr-i kelâm edip işbu târih-i kitâb gecesi akşam namazından sonra Meydan işbu mevcûd bi’l-meclis olan külünk ile mahalle-i mezbûrede vâki‘ menzilim duvarının örtüsü tahta ve sırığını hedm edip götürmüşdür suâl olunsun dedikde gıbbe’s-suâl ve akībe’l-inkâr, müdde‘î-i mezbûr Şaban Bey’den da‘vâsına mutâbık beyyine taleb olundukda udûl-i ricâlden olup mahalle-i mezbûre sükkânından Ahmed b. Şaban ve Mustafa b. Ahmed nâm kimesneler li ecli’ş-şehâde meclis-i şer‘a hâzırân olup istişhâd olunduklarında fi’l-hakīka mezbûr Meydan vakt-i mezbûrda işbu külünk ile müdde‘î-i mezbûrun menzil duvarının örtüsü tahta ve sırığı hedm edip götürürken biz gördük biz bu husûsa bu vech üzre şâhidleriz ve şehâdet dahi ederiz deyû her biri edâ-i şehâdet-i şer‘iyye eylelediklerinde gıbbe’t-ta‘dîl ve’t-tezkiyye şehâdetleri makbûle olmağın mûcebiyle mâ hüve’l-vâki‘ kayd şüd. Fi’l-yevmi’r-râbi‘ aşer min Zilhicceti’ş-şerîfe li sene tis‘în ve elf.


Şuhûdü’l-hâl: Musa Bey Subaşı, Mehmed b. Eyüb, Mehmed b. Mahmud, Ali b. Abdullah ve gayruhüm.