.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 259
Hüküm no: 265
Orijinal metin no: [39a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Âişe bt. Ahmed ile Mustafa b. Mehmed’in evlenmesi

Fi’l-asl mahmiye-i İstanbul’da Şeyh Vefâ kurbunda Kara Halîfe mahallesi sâkinlerinden olup hâlâ medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- de Kasım Paşa mahallesinde müsâferet vechi üzre sâkine olan Âişe bt. Ahmed nâm hâtun tarafından husûs-ı âti’l-beyâna vekîl olup hasm-ı câhid-i şer‘î muvâcehesinde mezbûrenin zâtını ma‘rifet-i şer‘î ile ârifân olan Mehmed b. Mahmud ve Ali b. İslâm nâm kimesneler şehâdetleriyle şer‘an vekâleti sâbite olan İbrahim Efendi b. Mustafa nâm kimesne meclis-i şer‘-i şerîf-i enverde işbu râfi‘ü’l-kitâb Mustafa b. Mehmed tarafından dahi kezâlik husûs-ı âti’l-beyâna vekîl olup hasm-ı münkir mahzarında Osman Beşe b. Abdülganî ve Mustafa b. Süleyman şehâdetleriyle şer‘an vekâleti sâbite olan diğer Mustafa b. Şaban mahzarında bi’l-vekâle takrîr-i kelâm ve ta‘bîr ani’l-merâm edip müvekkilem merkūme Âişe’nin nefsini üç bin fıddî râyic fi’l-vakt akçe mehr-i müeccel ile müvekkil-i mezbûr Mustafa’ya vekâletim hasebiyle tezvîc eyledim dedikde vekîl-i mezbûr diğer Mustafa dahi müvekkil-i mezbûr Mustafa için ber vech-i muharrer bi’l-vekâle tezevvüc ve kabûl ettim dedikde mâ cerâ bi’l-ibtigā kayd şüd. Fi’l-yevmi’s-sâdis aşer min Zilhicceti’ş-şerîfe li sene tis‘în ve elf.


Şuhûdü’l-hâl: Hasan b. Abdullah, Ali b. Abdullah, Ali b. İslâm, Muharrirü’l-vesîka Mehmed el-Eyyûbî.