.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 260
Hüküm no: 267
Orijinal metin no: [39a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Porolo v. Andriye’nin çayır yerini İstefan v. Vargo’ya satması

Havâss-ı Aliyye müzâfâtından Cuhûd Burgaz nâm karye ahâlîsinden Porolo v. Andriye nâm zimmî meclis-i şer‘-i şerîf-i enverde işbu râfi‘ü’r-rakīm İstefan v. Vargo nâm zimmî muvâcehesinde tav‘an ikrâr-ı tâm ve takrîr-i kelâm edip tefvîz-i âtî sudûruna değin taht-ı tasarrufumda olup karye-i merkūme sınırı dâhilinde vâki‘ üç tarafı mersûm İstefan tarlası ve taraf-ı râbi‘i tarîk-i âm ile mahdûd bir kıt‘a çayır yerimin hakk-ı tasarrufunu ma‘rifet-i sâhib-i arz ile merkūm İstefan’a sekiz kıt‘a esedî guruş bedel mukābelesinde tefvîz ve ferâğ edip ol dahi ber vech-i muharrer tefevvuz ve kabûl eyledikden sonra bedel-i ferâğ olan meblağ-ı mezkûru mersûm İstefan yedinden tamâmen ahz ve kabz eyledim ba‘de’l-yevm sâlifü’z-zikr çayırda vechen mine’l-vücûh alâka ve medhalim kalmadı mesfûr İstefani emsâli gibi tasarruf eylesin dedikde gıbbe’t-tasdîki’ş-şer‘î mâ vaka‘a bi’l-ibtigā kayd şüd. Fi’l-yevmi’l-hâmis aşer min Zilhicceti’ş-şerîfe sene 1090.


Şuhûdü’l-hâl: Hasan b. Abdullah, Mehmed b. Mahmud, Ali b. Abdullah, Ebûbekir b. ( ) Kethüdâ ve gayruhüm.