.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 267
Hüküm no: 279
Orijinal metin no: [40b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İsak v. Mosi’nin ölümüyle, karısı İsmihan bt. Abdullah’a mehrinin verilmesi

Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- mahallâtından Nâzperver mahallesi sâkinelerinden Fâtıma bt. Abdullah nâm hâtun meclis-i şer‘-i şerîfde vâlidesi işbu râfi‘atü’l-vesîka İsmihân bt. Abdullah nâm hâtun muvâcehesinde bi tav‘ihâ ikrâr-ı tâm ve takrîr-i kelâm edip medîne-i mezbûreye tâbi‘ kasaba-i Silivri’de Manastır mahallesinde vâki‘ lede’l-ahâlî ve’l-cîrân ma‘lûmü’l-hudûd menzil bundan akdem mürd olan babam İsak v. Mosi nâm hâlikin hayâtında mülkü olup hîn-i helâkinde küfr ve dalâletde bulunmak hasebiyle anam merkūme İsmihân ile bana isâbet ve intikāl etmişidi lâkin anam merkūmenin babam hâlik-i mezbûrun üzerinde otuz bin akçe mehr-i müeccel hakkı olmağla meblağ-ı mezkûr mukābelesinde menzil-i mezkûru anam merkūme İsmihân’a verip ol dahi ahz ve kabz eyledi menzil-i mezbûrda kat‘â benim alâkam yokdur, anam mezbûrenin mülk-i mahz ve hakk-ı sırfıdır dedikde gıbbe’t-tasdîki’ş-şer‘î mâ vaka‘a bi’t-taleb kayd şüd. Fi’l-yevmi’s-sâdis ve’l-ışrîn Zilhicceti’ş-şerîfe li sene tis‘în ve elf.


Şuhûdü’l-hâl: Ahmed Bey b. Abdullah, es-Seyyid Mustafa b. Sefer, Mehmed Çelebi b. Mustafa, Mehmed Çelebi b. Eyüb, İbrahim Halîfe b. Hüseyin.