|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 269 Hüküm no: 282 Orijinal metin no: [41a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Râziye bt. Abdullah’ın muhâlaa yoluyla boşandığı
İşbu muhâla‘adan bahseden sahîh ve şer‘î bir hüccetdir. Medîne-i Hazret-i Ebâ Eyyûb el-Ensârî mahallâtından Kasım Paşa mahallesinde sâkine olan Râziye bt. Abdullah nâm hâtun meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâmil-i hâze’l-kitâb Mustafa b. Yusuf nâm zevci ile muhâla‘a yapdı. Zevc-i mezbûr da nikâhında ta‘ahhüd ettiği râyicü’l-vakt dokuz yüz akçe mehr-i müecceli beynlerinde ma‘lûm ve mu‘ayyen olan iddet nafakası ve me’ûnet-i süknâsı zevcesi üzerine olmak üzre zevce-i merkūme ile muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘ de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’t-tâsi‘ ve’l-ışrîn min Zilhicce eş-şerîfe sene tis‘în ve elf.
Şuhûdü’l-hâl: İmâm İbrahim Efendi b. ( ), Süleyman Halîfe b. Yusuf, Mehmed Çelebi b. Mustafa, İsmail b. Mehmed ve gayruhüm
|