.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 270
Hüküm no: 284
Orijinal metin no: [41a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mustafa Beşe b. Abdullah’a Halil b. Abdullah’ın beygir satışından borcu olması

Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- mahallâtından Süleyman Subaşı mahallesi ahâlîsinden bâ‘isü’l-kitâb Mustafa Beşe b. Abdullah nâm kimesne mahfil-i kazâda medîne-i mezbûrede Zeyneb Hâtun mahallesi sükkânından Halil b. Abdullah nâm kimesne mahzarında üzerine da‘vâ ve takrîr-i kelâm edip merkūm Halil zimmetinde yedimden müşterâ ve makbûz bir re’s doru bârgir semeninden yirmi yedi esedî guruş hakkım olup meblağ-ı mezkûrun on buçuk guruşu yedinden ahz ve kabz edip bâkī on altı buçuk guruş hakkım kalmışdır suâl olunup edâsına tenbîh olunmak matlûbumdur dedikde gıbbe’s-suâl mezbûr Halil cevâbında zikr olunan bârgir bahâsından bâkī meblağ-ı merkūm on altı buçuk esedî guruş hâlâ müdde‘î-i mezbûr Mustafa Beşe’ye zimmetimde lâzımü’l-kazâ deynimdir deyû tav‘an ikrâr ve i‘tirâfa etmeğin alâ mûcebi ikrârihî meblağ-ı bâkī-i mezkûr on altı buçuk guruş müdde‘î-i mezbûra edâ ve teslîme tenbîh birle mâ vaka‘a bi’t-taleb ketb olundu. Fî selhi Zilhicceti’ş-şerîfe li sene tis‘în ve elf.


Şuhûdü’l-hâl: Hasan b. Abdullah, Ali b. Abdullah, Mehmed b. Mahmud, Mehmed b. Eyüb ve gayruhüm.