.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 271
Hüküm no: 286
Orijinal metin no: [41a-5, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Fâtıma bt. Abdullah’ın muhâlaa yoluyla boşandığı

İşbu mazmûnunda muhâla‘adan bahseden sahîh ve şer‘î bir hüccetdir. Medîne-i Hazret-i Ebâ Eyyûb el-Ensârî mahallâtından Takyecibaşı mahallesinde sâkine olan Fâtıma bt. Abdullah nâm hâtun meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâmil-i hâze’l-kitâb Osman b. Mehmed nâm zevci ile muhâla‘a yapdı. Zevc-i mezbûr da nikâhında ta‘ahhüd ettiği râyicü’l-vakt sekiz yüz akçe mehr-i müecceli beynlerinde ma‘lûm ve mu‘ayyen olan iddet nafakası ve me’ûnet-i süknâsı zevcesi üzerine olmak üzre zevce-i merkūme ile muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘ de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fî selhi Zilhicce eş-şerîfe sene tis‘în ve elf.


Şuhûdü’l-hâl: Ebûbekir b. Ali, Hasan b. Abdullah, Ali b. Abdullah, Mehmed b. Mahmud ve gayruhüm