.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 274
Hüküm no: 290
Orijinal metin no: [42a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed Efendi b. Mehmed’in evini Ömer Çelebi b. Osman’a satması

Havâss-ı Aliyye kazâsına tâbi‘ kasaba-i Hasköy’de Sütlüce nâm mevzi‘de Mahmud Ağa mahallesi sükkânından Mehmed Efendi b. Mehmed el-Hatîb meclis-i şer‘-i hatîr-i lâzımü’t-tevkīrde işbu râfi‘ü’l-kitâb fahrü’l-akrân Ömer Çelebi b. Osman ve Ali Çelebi b. Mustafa şehâdetleriyle şer‘an vekâleti sâbite olan Ali Çelebi b. İbrahim mahzarında tav‘an ikrâr-ı tâm ve takrîr-i kelâm edip akd-i âti’z-zikrin sudûruna değin silk-i mülk-i sahîhimde münselik olup mahalle-i mezbûrede vâki‘ bir tarafdan Süleyman Çelebi mülkü ve bir tarafdan Kaysûnîzâde vakfı olan odalar ve bir tarafdan tarîk-i hâs ve bir tarafdan tarîk-i âm ile mahdûd bir fevkānî ve iki tahtânî odalar ve bir kiler ve dehliz ve ahırı ve iki kenîf ve iki bahçeyi müştemil menzilimi cemî‘ tevâbi‘ ve levâhıkıyla müvekkil-i mezbûr Ömer Çelebi’ye üç yüz altmış kıt‘a esedî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm ol dahi ber vech-i muharrer iştirâ ve tesellüm ve kabûl eyledikden sonra semeni olan meblağ-ı mezkûr üç yüz altmış guruşu müvekkil-i mezbûr yedinden tamâmen ahz ve kabz eyledim ba‘de’l-yevm menzil-i mezkûr müvekkil-i mezbûr Ömer Çelebi’nin mülk-i müşterâsı olmuşdur keyfe mâ yeşâ’ mutasarrıf olsun dedikde gıbbe’t-tasdîki’ş-şer‘î mâ vaka‘a kayd şüd. Fi’l-yevmi’s-sânî mine’l-Muharremi’l-harâm li sene ihdâ tis‘în ve elf.


Şuhûdü’l-hâl: El-Hâc Mustafa b. Musa, hammâmî Mustafa Ağa, Halil Çelebi b. İbrahim, Mehmed Çelebi b. el-Müezzin, bahçevân Mehmed Ağa, kilârî Mehmed Ağa ve gayruhüm.