.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 275
Hüküm no: 291
Orijinal metin no: [42a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Şahbaz bt. Abdullah’ın cariyesi İvaz bt. Abdullah’ı azat etmesi

Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- mahallâtından Kiremitçi Süleyman mahallesi sâkinelerinden Şahbaz bt. Abdullah nâm hâtunun zevci ve tarafından husûs-ı âti’l-beyânı ikrâra vekîl olup zât-ı mezbûreyi ma‘rifet-i şer‘iyye ile ârifân olan Mehmed Efendi b. Yusuf ve Ahmed Çelebi b. Mehmed şehâdetleriyle şer‘an vekâleti sâbite olan İbrahim Ağa b. Abdülmennân meclis-i şer‘-i şerîf-i enverde bi’l-vekâle ikrâr-ı tâm ve takrîr-i kelâm edip zevcem müvekkilem mezbûre Şahbaz Hâtun kendiye rıkkını mu‘terife olup uzun boylu açık kaşlı gök gözlü sarışın Rûsiyyetü’l-asl bâ‘isetü’l-kitâb İvaz bt. Abdullah nâm câriye-i memlûkesini cemî‘ malından ifrâz edip hasbeten lillâhi’l-ganiyyi’l-hallâk i‘tâk ve tahrîr ve zümre-i harâir-i asliyyâta idrâc ve ilhâk eyleyip min ba‘d sâir harâir-i asliyyât gibi hürre olup üzerinde hakk-ı velâdan gayrı hakkım kalmadı dedi dedikde mâ hüve’l-vâki‘ kayd şüd. Fî gurreti Muharremi’l-harâm li sene ihdâ tis‘în ve elf.


Şuhûdü’l-hâl: Mehmed Efendi b. Nasuh, Ahmed Çelebi el-İm[âm] b. ( ), Ali Ağa b. Abdullah Odabaşı, Mustafa b. Ahmed.