.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 277
Hüküm no: 295
Orijinal metin no: [42b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Abdülbâki Dede b. Abdullah’ın cariyesi Tevekkül’ü azat etmesi

Medîne-i Hazret-i Ebâ Eyyûb-i Ensârî -radiye anhu Rabbühü’l-Bârî- mahallâtından Fethi Çelebi mahallesi sâkinlerinden Abdülbâkī Dede b. Abdullah tarafından husûs-ı âti’l-beyânı ikrâra vekîl olup hasm-ı câhid-i şer‘î muvâcehesinde Ahmed Efendi b. Receb ve diğer Ahmed Beşe b. Bâli şehâdetleriyle şer‘an vekâleti sâbite olan Muharrem Bey b. Derviş meclis-i şer‘-i hatîr-i lâzımü’t-tevkīrde müvekkil-i mezbûra rıkkıyyetini mu‘terife olan orta boylu açık kaşlı gök elâ gözlü sarışın Rûsiyyetü’l-asl işbu râfi‘atü’l-kitâb Tevekkül bt. Abdullah nâm câriye-i memlûkesi mahzarında bi’l-vekâle ikrâr ve takrîr-i kelâm edip müvekkilim mezbûr Abdülbâkī Dede câriye-i mevsûfe-i merkūme Tevekkül[ü] cemî‘ malından ifrâz edip hasbeten lillâhi’l-ganiyyi’l-hallâk i‘tâk ve tahrîr ve zümre-i harâir-i asliyyâta idrâc ve ilhâk eyleyip mevsûfe-i mezbûre min ba‘d sâir harâir-i asliyyât gibi hürre olup üzerinde hakk-ı velâdan gayrı hakkım kalmadı dedi dedikde mâ hüve’l-vâki‘ kayd şüd. Fi’l-yevmi’r-râbi‘ mine’l-Muharremi’l-harâm li sene ihdâ tis‘în ve elf.


Şuhûdü’l-hâl: Mehmed Efendi b. İbrahim el-İmâm, Hasan Beşe b. Ali, Hüseyin b. Osman, Hasan Çelebi b. Mustafa, Mehmed b. Mustafa, Mustafa b. Hanefi, Mehmed b. Eyüb.