.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 282
Hüküm no: 303
Orijinal metin no: [43b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mustafa b. İsmail’in ev ve bahçesini içindeki zeytin ağaçları hariç Bâli v. Vlado’ya satması

Vilâyet-i Rumeli’nde nefs-i kasaba-i Delvine’de Rosa mahallesinde sâkin Mustafa b. İsmail nâm kimesne meclis-i şer‘-i hatîr-i lâzımü’t-tevkīrde işbu râfi‘ü’r-rakīm Bâli v. Vilado nâm zimmî muvâcehesinde tav‘an ikrâr-ı tâm ve takrîr-i kelâm edip akd-i âtî sudûruna değin silk-i mülkümde münselik olup mahalle-i mezbûrede vâki‘ bir tarafdan Hüseyin Hoca mülkü ve bir tarafdan Mustafa Çelebi mülkü ve bir tarafdan ba‘zan Hüseyin Çelebi ve ba‘zan Ebûbekir mülkleri ve bir tarafdan tarîk-i âm ile mahdûd bir tahtânî oda ve zât eşcâr-ı müsmire ve gayr-ı müsmire bahçeyi müştemil menzilimin bahçe-i mezkûre içinde mağrûs dört dip zeytin eşcârından mâ‘adâsını cemî‘ tevâbi‘ ve levâhıkı ile merkūm Yani’ye bin fıddî râyic fi’l-vakt akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi ber vech-i muharrer iştirâ ve kabûl eyleyip semeni olan meblağ-ı mezkûru mahallinde zabt ve tasarrufuna mesfûr Yani’yi taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb kayd olundu. Fi’l-yevmi’l-âşir min Muharremi’l-harâm li sene ihdâ ve tis‘în ve elf.


Şuhûdü’l-hâl: Himmet Beşe b. Ali, Sinan b. Kasım, İbrahim b. Receb, Ali b. İlyas, Hasan b. Abdullah ve gayruhüm.