|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 285 Hüküm no: 306 Orijinal metin no: [44b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kika v. Papazik’in kızları Domine ve Cevheryo’ya anaları Sultana bt. Kiro’nun vasî tayin edilmesi
Havâss-ı Aliyye kazâsına tâbi‘ Küçükköy nâm karye sükkânından olup Eflak vilâyetinde bundan akdem mürd olan Kika v. Papazik nâm hâlikin sulbiye sagīre kızları Domine ve Cevheryo’ya babaları hâlik-i merkūmdan irs-i şer‘le intikāl eden mallarını hıfz ve ahvâllerini zabta bir vasî nasb olunmak lâzım ve mühim olmağın hâkim-i muvakki‘-i sadr-ı kitâb tûbâ-leh ve hüsnü me’âb hazretleri dahi sagīretân-ı merkūmetânın vâlideleri işbu râfi‘atü’r-rakīm Sultana bt. Kiro nâm nasrâniyyeyi sagīretân-ı mezbûretân Domine ve Cevheryo üzerlerine vasî nasb ve ta‘yîn edip ol dahi vesâyet-i merkūmeyi kabûl ve merâsimini edâya müte‘ahhid olmağın mâ vaka‘a kayd şüd. Fi’l-yevmi’t-tâsi‘ mine’l-Muharremi’l-harâm li sene ihdâ ve tis‘în ve elf.
Şuhûdü’l-hâl: Hüseyin Çelebi b. Ali, Mehmed b. Eyüb, Mehmed b. Mahmud, Hasan b. Abdullah, Ali b. Abdullah ve gayruhüm.
|