.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 286
Hüküm no: 308
Orijinal metin no: [44b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Kika v. Papazik’in alacaklarını tahsil etmek üzere Yani v. Yorgi’nin vekil tayin olunması

Havâss-ı Aliyye kazâsına tâbi‘ Küçükköy nâm karye ahâlîsinden iken bundan akdem mürd olan Kika v. Papazik nâm hâlikin verâseti zevce-i metrûkesi Sultana bt. Kiro nâm nasrâniyye ile sulbiye sagīre kızları Domine ve Cevheryo’ya münhasıra olduğu şer‘an zâhir ve müte‘ayyin oldukdan sonra sagīretân-ı merkūmetânın vâlideleri ve tesviye-i umûrlarına min kıbeli’ş-şer‘ mansûbe vasîleri olan merkūme Sultana meclis-i şer‘-i şerîfde işbu râfi‘ü’r-rakīm Yani v. Yorgi nâm zimmî muvâcehesinde bi’l-vesâye takrîr-i kelâm ve bast-ı merâm edip hâlik-i merkūmun zimem-i nâsda olan hukūkunu taleb ve ahz ve kabza ve bana îsâle ve düyûn iddi‘â edenler ile mürâfa‘a ve muhâsamaya ve ahz ve kabz ve îsâle mütevakkıf olduğu umûrun cümlesine merkūm Yani’yi tarafımdan vekîl ve nâib-i menâb nasb ve ta‘yîn eyledim dedikde ol dahi vekâlet-i mersûmeyi kabûl ve levâzımını edâya ta‘ahhüd ve iltizâm etmeğin mâ vaka‘a kayd şüd. Fi’l-yevmi’l-âşir min Muharremi’l-harâm li sene ihdâ ve tis‘în ve elf.


Şuhûdü’l-hâl: Hüseyin b. Ali, Mehmed b. Eyüb, Mehmed b. Mahmud, Hasan b. Abdullah ve gayruhüm.