|
Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 288 Hüküm no: 311 Orijinal metin no: [45a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Musli b. Ali’nin evini Rabia bt. Hüseyin’e satması
Medîne-i Hazret-i Ebâ Eyyûb-i Ensârî -radiye ahnu Rabbühü’l-Bârî- mahallâtından Aşçıbaşı mahallesinde sâkin Musli b. Ali nâm kimesne meclis-i şer‘-i şerîfde zevci işbu râfi‘atü’l-vesîka Râbia bt. Hüseyin nâm hâtun mahzarında tav‘an ikrâr-ı tâm ve takrîr-i kelâm edip akd-i âtî sudûruna değin silk-i mülkümde münselik olup mahalle-i mezbûrede vâki‘ bir tarafı Ömer Çelebi mutasarrıf olduğu vakıf menzil ve bir tarafı Osman Beşe mülkü ve bir tarafı Yorgancı Ali Çelebi mülkü ve bir tarafı tarîk-i âm ile mahdûd iki bâb tahtânî oda ve bir aş ocağı ve bir mikdâr havluyu müştemil mülk menzilimi cemî‘ tevâbi‘iyle mezbûre Râbia’ya altmış esedî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm edip ol dahi ber vech-i muharrer iştirâ ve kabûl eyledikden sonra semeni olan meblağ-ı mezkûr altmış guruşdan zevcem merkūme Râbia’nın zimmetini ibrâ-i âm ile ibrâ ve iskāt eyledim min ba‘d menzil-i mezkûrda alâka ve medhalim kalmadı zevcem merkūme Râbia’nın mülk-i müşterâsı olmuşdur keyfe mâ yeşâ’ mutasarrıfe olsun dedikde gıbbe’t-tasdîki’ş-şer‘î mâ vaka‘a kayd şüd. Fi’l-yevmi’t-tâsi‘ min Muharremi’l-harâm li sene ihdâ ve tis‘în ve elf.
Şuhûdü’l-hâl: Ali Efendi b. Himmet el-İmâm, Ömer Efendi b. İvaz, Mustafa Çelebi b. Ömer, Mustafa Çelebi b. Receb, Osman Bey b. Ahmed ve gayruhüm.
|