.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 304
Hüküm no: 335
Orijinal metin no: [49a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mustafa Bey b. Hüseyin’in evini Saime Hatun bt. Abdullah’a satması

Medîne-i Hazret-i Ebâ Eyyûb el-Ensârî -radiye anhu Rabbühü’l-[Bârî]- mahallâtından Evlice Baba mahallesinde sâkin Mustafa Bey b. Hüseyin nâm kimesne meclis-i şer‘-i hatîr-i lâzımü’t-tevkīrde işbu bâ‘isetü’l-kitâb Saime bt. Abdullah nâm hâtun tarafından bey‘-i âti’z-zikri tasdîke vekîl olup hasb-i câhid-i şer‘î mahzarında mezbûrenin zâtını ma‘rifet-i şer‘iyye ile ârifân olan Mehmed Efendi b. Ahmed el-İmâm ve Abdullah Halîfe b. Abdullah şehâdetleriyle şer‘an vekâleti sâbite olan zevci Hüseyin Çelebi b. Ebûbekir mahzarında ikrâr ve takrîr-i kelâm edip akd-i âti’z-zikrin sudûruna değin silk-i mülk-i sahîhimde münselik olup mahalle-i mezbûrede vâki‘ bir tarafı Hayyât Mehmed Çelebi mülkü ve bir tarafı sayıcı Mehmed mülkü ve bir tarafı ba‘zan Sâliha Hâtun mülkü ve ba‘zan Hasan Beşe veresesi mülkü ve ba‘zan Halil Bey mülkü ve bir tarafı tarîk-i âm ile mahdûd üç bâb tahtânî oda ve bi’r-i mâ ve zât eşcâr-ı müsmire ve gayr-ı müsmire bahçeyi müştemil mülk menzilimi cemî‘ tevâbi‘ ve levâhıkı ile müvekkilem mezbûre Sâime Hâtun’a yüz elli esedî guruşa tarafeynden îcâb ve kabûlü hâvî şart-ı müfsideden ârî bey‘-i bâtt-ı sahîh-i şer‘î ile bey‘ ve teslîm ol dahi minvâl-i muharrer üzre iştirâ ve tesellüm ve kabz ve kabûl eyledikden sonra semeni olan meblağ-ı mezbûr yüz elli esedî guruşu müvekkilem mezbûre Sâime Hâtun yedinden bi’t-tamâm ve’l-kemâl ahz u kabz eyledim ba‘de’l-yevm menzil-i mahdûd-ı mezkûrda vechen mine’l-vücûh alâka ve medhalim kalmadı müvekkilem mezbûre Sâime Hâtun’un mülk-i müşterâsı olmuşdur keyfe mâ yeşâ’ mutasarrıfe olsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî aşer li sene ihdâ ve tis‘în ve elf.


Şuhûdü’l-hâl: Mehmed Efendi b. Ahmed el-İmâm, Abdullah Halîfe b. Abdullah, Mustafa Çelebi b. Mehmed, Osman Çelebi b. Mehmed ve gayruhüm.