.:: İstanbul Kadı Sicilleri ::.


Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680)
cilt: 31, sayfa: 305
Hüküm no: 337
Orijinal metin no: [49a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Minton v. Kiro’nun bahçesini İstayko v. Velço’ya satması

Vilâyet-i Rumeli’de Filorina kazâsına tâbi‘ Varini? nâm karye ahâlîsinden Minton v. Kiro nâm zimmî meclis-i şer‘-i şerîfde işbu bâ‘isü’r-rakīm İstayko v. Velço nâm zimmî muvâcehesinde ikrâr ve takrîr-i kelâm edip silk-i mülk-i sahîhimde münselik olup karye-i mezbûrede vâki‘ bir tarafı Boşko v. Minko bahçesi ve bir tarafı Piyo nâm zimmî bahçesi ve bir tarafı İstoyan v. Rayko zimmî bahçesi ve bir tarafı tarîk-i âm ile mahdûd zât-ı eşcâr-ı müsmire ve gayr-ı müsmire[yi] müştemil mülk bahçemi, cemî‘ tevâbi‘ ve levâhıkı ile mezbûr İstayko’ya dört yüz elli akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve temlîk eyleyip ol dahi minvâl-i muharrer üzre iştirâ ve temellük ve kabûl eyledikden sonra semeni olan meblağ-ı mezbûr dört yüz elli akçeyi mezbûr İstayko yedinden tamâmen ahz ve kabz eyledim ba‘de’l-yevm zikr olunan bahçede alâka ve medhalim yokdur mezbûr İstayko’nun mülk-i müşterâsı olmuşdur keyfe mâ yeşâ’ mahallinde zabt ve tasarrufa mezbûr İstayko’yu taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Saferi’l-hayr li sene ihdâ ve tis‘în ve elf.


Şuhûdü’l-hâl: Mehmed b. Eyüb, Mehmed b. Mahmud, Hasan b. Abdullah, Hüseyin b. Ali ve gayruhüm.