Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 364 Hüküm no: 417 Orijinal metin no: [58a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem bt. İsa’nın boşandığı kocası Mehmed b. Abdullah’tan mehrini tahsil ettiği Mahmiye-i İstanbul’da Kızıltaş mahallesinde sâkine Meryem bt. İsa nâm hâtun meclis-i şer‘-i şerîf-i lâzımü’t-teşrîfde zevc-i dâhilün-bihâsı Mehmed b. Abdullah nâm kimesne mahzarında ikrâr ve takrîr-i kelâm edip bundan akdem mezbûr Mehmed beni bâyinen tatlîk etmeğin zimmetinde mütekarrir ve ma‘kūdun-aleyh olan sekiz yüz akçe mehr-i müeccelimi mezbûr Mehmed yedinden tamâmen ahz u kabz edip nafaka-i iddetimden ve zevciyyete müte‘allika da‘vâdan mezbûrun zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’r-râbi‘ aşer min Recebi’l-ferd li sene seb‘a ve seb‘în ve elf. Şuhûdü’l-hâl: Osman Çelebi b. Ömer, Ali b. Mehmed, Ali Çelebi b. Mustafa, Halil Çelebi b. Abdullah, Hüseyin Çavuş b. Abdullah el-Mübâşir, Şükrullah Bey b. Mustafa ve gayruhüm mine’l-huzzâr.