Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 520 Hüküm no: 647 Orijinal metin no: [99a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Afife bt. Mustafa’nın muhâlaa yoluyla boşandığı Medîne-i Hazret-i Ebâ Eyyûb el-Ensârî mahallâtından Nazyürür? mahallesinde sâkine olan Afîfe bt. Mustafa nâm hâtun meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâmil-i hâze’l-kitâb el-Hâc Mehmed b. Şaban nâm zevci ile muhâla‘a yapdı. Zevc-i mezbûr da nikâhında ta‘ahhüd ettiği râyicü’l-vakt üç bin akçe mehr-i müecceli beynlerinde ma‘lûm ve mu‘ayyen olan iddet nafakası ve me’ûnet-i süknâsı zevcesi üzerine olmak üzre zevce-i merkūme ile muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘ de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’l-ışrîn min şehri Ramazâni’l-mübârek sene ihdâ ve tis‘în ve elf. Şuhûdü’l-hâl: Mustafa Çelebi b. Mahmud, Nasuh Efendi b. Abdüsselâm, Hüseyin Çelebi b. Ali, Mehmed b. Eyüb, Mehmed b. Mahmud, Yusuf b. Abdullah, Ali b. Abdullah.