Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 539 Hüküm no: 674 Orijinal metin no: [103a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyyid Mustafa Çelebi b. Sefer’in Ağaçlı köyü Mescidi para vakfına mütevelli tayin olması Havâss-ı Aliyye kazâsına tâbi‘ Terkos nâhiyesi müzâfâtından Ağaçlı nâm karyede vâki‘ mescid-i şerîfe mevkūfe nukūdun mütevellîsi olan el-Hâc İbrahim b. Ali fevt olup yeri hâlî kalmağla hâkim-i muvakki‘-i sadr-ı kitâb tûbâ-leh ve hüsnü me’âb hazretleri dahi işbu hâmilü’l-hurûf es-Seyyid Mustafa Çelebi b. Sefer nâm kimesne mahal ve müstahık ve her vechile tevliyyet uhdesinden gelmeğe kādir olmağın mezbûr es-Seyyid Mustafa Çelebi’yi yevmî iki akçe ile vazîfe ile vakf-ı mezkûra mütevellî nasb ve ta‘yîn eyledikde ol dahi tevliyyet-i merkūmeyi kabûl ve hıdemât-ı lâzımesini edâya ta‘ahhüd ve iltizâm etmeğin mâ hüve’l-vâki‘ alâ hâze’l-minvâl gıbbe’t-taleb ketb olundu. Fi’l-yevmi’s-sânî ve’l-ışrîn min Şevvâli’l-mükerrem li sene ihdâ ve tis‘în ve elf. Şuhûdü’l-hâl: Çorbacı Osman Ağa b. Abdullah, Hüseyin Beşe b. Receb Çukadâr, Hüseyin Çelebi b. Ali, Mehmed b. Eyüb ve gayruhüm.