Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 389 Hüküm no: 450 Orijinal metin no: [62a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mardiros v. Serhos’un ölen Vartak v. Todor’a borcu olduğu Mahmiye-i İstanbul’da Ohri mahallesinde sâkin Mardiros v. Serhos nâm Ermeni meclis-i şer‘-i şerîf-i Ahmedî ve mahfil-i dîn-i münîf-i Muhammedî’de mahmiye-i mezbûrda mahalle-i merkūmede sâkin iken bundan akdem hâlik olan Vartak v. Todor nâm Ermeni’nin sulbî sagīr oğlu Gabril ve sulbiye sagīre kızı Maryem nâm sagīrlerin tesviye-i umûrlarına kıbel-i şer‘den mansûb vasîleri olan Hasref v. Kirakor nâm Ermeni muvâcehesinde bi’t-tav‘i’s-sâf ikrâr ve i‘tirâf edip sagīrân-ı mezbûrâna cihet-i karz-ı şer‘îden dört yüz on iki buçuk kıt‘a esedî ve vasiyy-i mezbûr Hasref yedinden müşterâ ve makbûz semeni târih-i kitâbdan bir sene tamâmına değin müeccel ve mev‘ûd beynimizde ma‘lûm çuka semeninden kırk bir tamâm ve bir rub‘ esedî guruş cem‘an dört yüz elli üç buçuk tamâm ve bir rub‘ esedî guruş sagīrân-ı mezbûrâna lâzımü’l-edâ ve vâcibü’l-kazâ zimmetimde deynim vardır dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-ışrîn min Recebi’l-ferd li sene seb‘a ve seb‘în ve elf. Şuhûdü’l-hâl: Lomez v. Agop ve Marko v. Sahar ve Karoz v. Laman, Mabnos v. Todori ve Manas v. Markos.