Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 590 Hüküm no: 758 Orijinal metin no: [115a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Yani’nin evini Franko v. Yorgi’ye satması Vilâyet-i Rumeli’nde Gerbeniş kazâsına tâbi‘ Malatya nâm karye ahâlîsinden Nikola v. Yani nâm zimmî meclis-i şer‘-i şerîfde işbu râfi‘ü’r-rakīm Franko v. Yorgi nâm zimmî muvâcehesinde ikrâr ve takrîr-i kelâm edip akd-i âtî sudûruna değin yedimde mülküm ve hakkım olup karye-i mezbûrede vâki‘ bir tarafı Zizo mülkü ve bir tarafı Yorgi mülkü ve bir tarafı mezbûr Franko’nun âhar mülkü ve bir tarafı tarîk-i âm ile mahdûd bir bâb fevkānî ve bir bâb tahtânî odaları ve samanlık yerini ve havluyu müştemil mülk menzilimi cemî‘ tevâbi‘i ile mezbûr Franko’ya otuz esedî guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve temlîk edip ol dahi minvâl-i muharrer üzre iştirâ ve temellük ve kabûl eyledikden sonra semeni olan meblağ-ı mezbûr otuz guruşu mezbûr Franko yedinden bi’t-tamâm ahz ve kabz eyledim ba‘de’l-yevm menzil-i mahdûd-ı mezkûrda alâka ve medhalim yokdur, mezbûr Franko’nun mülk-i müşterâsı olmuşdur keyfe mâ yeşâ’ mahallinde zabt ve tasarrufa mezbûr Franko’ya taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Şevvâli’l-mükerrem li sene ihdâ ve tis‘în ve elf. Şuhûdü’l-hâl: Hüseyin b. Ali, Mehmed b. Mahmud, Ali b. İslâm, Panayot, Şelyo [v.] Yorgi, Panayot [v.] Kaliyo, Kalaki [v.] Yani, Panayot [v.] Kaliyo, Nikola [v.] Dimo.