Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 595 Hüküm no: 767 Orijinal metin no: [116a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayas Ağa köyünden talep olunan iştirâ sâlyânesinin geçmiş dönemlerden daha fazla istenmemesi için buyruldu talebi Mahkemede sâlyâne olunan defterden kayd olunmak deyû. Karye-i mezbûreden nısfı tenzîl olunup nısfı alına deyû. Sene [10]91. Nâhiye-i Küçükçekmece iştirâ ve zehâyir-i mezkûreyn berâ-yı menzil-i Büyükçekmece Şa‘îr 1500 keyl Dakīk 320 keyl Saman 1000 kantar Hatab 225 araba Giyâh 50 araba Devletlü ve merhametlü sultânım hazretleri sağ olsun bu du‘âcı kulları Eyüb kazâsında Küçükçekmece nâhiyesine [tâbi‘] Ayas Ağa nâm karye re‘âyâsı fukarâları kullarından olup işbu sene-i mübârekede karyemiz iştirâ sâlyânesi ta‘yîn olunup kadîmden edâ eylediğimiz minvâl üzre ancak iktidârımız var iken şimdi ziyâde talebiyle küllî gadr eylemek murâd eder ancak on iki nefer re‘âyâ fukarâsı vardır mercûdur ki geçen seneden ziyâde taleb olunmamak bâbında buyruldu-yı şerîf ricâ olunur bâkī fermân sultânımındır. Bende-i Kasımpaşa Şeyhî Ayas Ağa Şa‘îr 392 keyl Otluk 1,5 araba Saman 30 kantar Dakīk 9 keyl