Eyüb Mahkemesi (Havass-ı Refia) 90 Numaralı Sicil (H. 1090 - 1091 / M. 1679 - 1680) cilt: 31, sayfa: 598 Hüküm no: 770 Orijinal metin no: [117a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zehra Hatun mahallesi mescidine yeni imam tayin olunması Hâslar kadısı efendi hazretleri, imâmet-i mezbûreyi müstahıkkına arz edesiz deyû. Hâslar kadısı efendi, bî-garaz müslümanlardan suâl eyleyesiz deyû. Sa‘âdetlü ve mürüvvetlü sultânım hazretleri sağ olsun Hazret-i Ebâ Eyyûb-i Ensârî’de vâki‘ merhûme Zehra Hâtun mahallesi mescidinin imâmı edâ-i hizmet etmeyip imâmete dahi gelmeyip mescid-i şerîfimiz kapanmağa sebebdir mürüvvetlü sultânım hazretlerinden mercûdur ki âhara tevcîh olunmak bâbında fazîletlü Eyüb efendisine hitâben emr [u] fermân sultânım hazretlerinindir. Sâhib-i arz olan ahâlî-i mahalle-i mezkûrenin şikâyet ettikleri imâm-ı mezbûrun ahvâli bî-garaz müslümanlardan suâl eyleyesiz deyû vârid olan fermân-ı şerîfe imtisâlen, cemâ‘ati da‘vet olunup edâ-i hizmet etmediğini cümlesi haber verdiklerinden sonra imâm kendi dahi edâ-i hizmet eylemediğini ve yerime vekîl dahi bulamam deyû ikrâr ettiği der-i devlet-medâra i‘lâm olundu bâkī fermân sultânımındır.