Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 56 Hüküm no: 24 Orijinal metin no: [7b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali oğlu Ömer Beşe’nin terekesi ve taksimi Havâss-ı Refî‘a kazâsı muzâfâtından Çatalca nâhiyesine tâbi‘ İzdin nâm karyede sâkin iken bundan akdem vefât eden Ömer Beşe b. Ali nâm kimesnenin verâseti zevce-i menkûha-i metrûkesi Âişe bt. Mehmed ile sulbi sagīr oğlu Feyzullah ve sulbiye sagīre kızı Safiye ve mezbûre Âişe Hatun’un batnında müstebîn hamla münhasıra olduğu şer‘an zâhir ve müte‘ayyin oldukdan sonra sagīrân-ı mezbûrânın tesviye-i emrlerine ve haml-ı mezbûrun hisse-i mevkūfesini ahz u kabz ve zabt u hıfza kıbel-i şer‘den vasî nasb olunan sagīrân-ı mezbûrân Feyzullah ve sagīrenin vâlideleri mezbûre Âişe Hatun taleb ve ma‘rifetiyle tahrîr ve takvîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’l-âşir min-Zilka‘deti’ş-şerîfe li-sene tis‘a ve ışrîn ve mi’e ve elf. Köhne anteri 1 70 akçe Don 1 ma‘a gömlek 1 80 akçe Eye demir kıvıran 1 40 akçe Çuval 2 20 akçe Kara sığır öküzü 3 çift 6000 akçe Araba 2 300 akçe Sığır saban demiri 1 40 akçe Balta 1 ma‘a destere 1 ma‘a burgu 1 100 akçe Düğen 1 60 akçe Hınta 54 keyl Fî 42 2222 akçe Şa‘îr 48 keyl Fî 20 960 akçe Yulaf 70 keyl Fî 20 1400 akçe Bir mikdâr saman 200 akçe Nısf-ı menzil der-karye-i mezbûre 1200 akçe [7a mükerrer] Hırdavât 240 akçe Cem‘an yekûn 12.932 akçe Minhe’l-ihrâcât Techîz ve tekfîn 500 akçe Deyn-i müsbet-i mehr-i müeccel bâ-hüccet-i şer‘iyye 3000 akçe Resm-i âdî 324 akçe Kalemiyye 150 akçe Çukadâriye 80 akçe Muhzıriyye 80 akçe Kaydiyye 20 akçe Ücret-i bargir 300 akçe Düyûn-ı müteferrika 300 akçe Cem‘an yekûn 4754 akçe Sahhu’l-bâkī li’t-taksîm beyne’l-verese Hissetü’z-zevceti’l-mezbûre 1022 akçe Hissetü’l-ibni’l-mezbûr 2762 akçe Hissetü’l-binti’l-mezbûre 1431 akçe Hissetü hamli’l-mezbûr 2762 akçe Kesr-i bâkī 1 akçe