Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 58 Hüküm no: 26 Orijinal metin no: [7M/b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veli kızı Hamide Hatun’un terekesi ve taksimi Havâss-ı Refî‘a kazâsı muzâfâtından Terkos nâhiyesine tâbi‘ Ormanlı nâm karyede sâkine iken bundan akdem vefât eden Hamide Hatun bt. Veli’nin verâseti zevc-i metrûku Ali Beşe b. Mahmud ile sadrî sagīr oğulları Ahmed ve Mehmed ve Mahmud ve sadriye kızı Fâtıma’ya münhasıra oldukdan sonra kable’l-kısme mezbûr Ahmed dahi vefât edip verâseti babası mezbûr Ali Beşe’ye münha[sı]ra oldukdan sonra kable’l-kısme mezbûre Fâtıma dahi vefât edip babası mezbûr Ali Beşe’ye münha[sı]ra ve tashîh-i mes’elesi bi-tarîki’l-münâsahati’ş-şer‘iyye seksen dört sehimden olup sihâm-ı mezbûreden kırk sekiz sehmi mezbûr Ali Beşe’ye ve on sekiz sehmi sagīrân-ı mezbûrân Mehmed’e ve Mahmud’a isâbeti tahkīkinden sonra sagīrân-ı mezbûrânın babaları ve tesviye-i emrlerine kıbel-i şer‘den mansûb vasîleri olan mezbûr Ali Beşe taleb ve ma‘rifetiyle tahrîr ve taksîm olunan tereke-i müteveffât-ı mezbûredir ki ber-vech-i âtî zikrolunur. Fi’l-yevmi’l-hâmis aşer min-Şevvâli’l-mükerrem sene 1129 Altun bilezik 1 çift 4000 akçe Mücevher kuşak 1 3000 akçe Sim kuşak 1 1000 akçe İnci Serpûş 1800 akçe İnci enselik 1 1200 akçe İnci saçlık 1 600 akçe Köhne bohça 1 20 akçe Dîbâ Serpûş 1 100 akçe Kırmızı çuka Serpûş 1 6 akçe Al çekme 1 Beyaz çekme 1 300 akçe Telli hatâyî kaplı sincab kürk 1 1200 akçe İşleme don 1 60 akçe Telli hatâyî kaftan 1 ma‘a bürüncek gömlek 1 300 akçe Beyaz peşkûnî 1 40 akçe Sandal çintiyan 1 150 akçe Telli hatâyî kaftan 2 360 akçe İşleme yüz yasdığı 1 ma‘a makrama 1 120 akçe Vişne rengi çuka ferâce 1 2000 akçe Telli üstlük 1 200 akçe Yasdık 5 1010 akçe Köhne serâser yorgan 1 360 akçe Yemeni yorgan 1 120 akçe Kadife yorgan 1 360 akçe Beledî döşek 3 720 akçe Minder 2 240 akçe Kebîr sini 1 800 akçe Tencere 1 80 akçe Köhne sandık 1 80 akçe Tas 1 80 akçe Altın 15 aded 4860 akçe Mehr-i müeccel der-zimmet-i zevci’l-mezbûr 7000 akçe Cem‘an yekûn 33.360 akçe Minhe’l-ihrâcât İskāt-ı salât ber-mûceb-i vasiyet 600 akçe Resm-i âdî 796 akçe Kalemiyye 300 akçe Hüddâmiye ve muhzıriyye 300 akçe Kaydiyye 30 akçe Ücret-i bargir 15 akçe Düyûn-ı müteferrika 20 akçe Cem‘an yekûn 2196 akçe Sahhu’l-bâkī li’t-taksîm beyne’l-verese 31.164 akçe Hissetü’z-zevci’l-mezbûr 17.808 akçe Hissetü’l-ibni’l-mezbûr 6678 akçe Hissetü’l-ibni’l-mezbûr 6678 akçe