Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 79 Hüküm no: 44 Orijinal metin no: [15a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Halil oğlu Şatır el-Hâc Hasan Ağa’nın oğlu Ali Çelebi’ye nafaka tayini Medîne-i hazret-i Ebâ Eyyüb el-Ensârî -radıye [anhu] Rabbühü’l-Bârî- mahallâtından Kiremitçi Süleyman Çelebi mahallesinde sâkin iken bundan akdem vefât eden Şatır el-Hâc Hasan Ağa b. Halil’in sulbî sagīr oğlu Ali Çelebi’nin tesviye-i umûruna bâ-hüccet-i şer‘iyye vasiyy-i muhtârı işbu bâ‘isü’l-kitâb fahrü’l-akrân el-Hâc Mustafa Ağa b. Mehmed talebiyle hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri sagīr-i mezbûr Ali Çelebi’ye hâdim-i hâdimesiyle ma‘an ...? icâresinden yevmî yüz elli akçe nafaka ve kisve bahâ farz ve takdîr buyurup meblağ-ı mefrûz-ı mezbûr yevmî yüz elli akçeyi sagīr-i mezbûr Ali Çelebi’nin hâdim-i hâdimelerinin nafaka ve kisve bahâlarına ve sâir levâzım-ı zarûriyyelerine harc ve sarfa ve inde’l-iktizâ istidâneye ve lede’z-zafer sagīr-i mezbûr Ali Çelebi’nin mâlına rücû‘a vasiyy-i mezbûr el-Hâc İbrahim Ağa’ya izin verilmeğin mâ-vaka‘a bi’t-taleb ketbolundu. Fî-gurreti Şa‘bâni’l-mu‘azzam li-sene tis‘a ve ışrîn ve mi’e ve elf. Şuhûdü’l-hâl: Şâhidûn-ı sâbıkūn Mustafa Çelebi b. İsmail Efendi, İmâmzâde Mustafa Çelebi b. Ahmed Efendi, Mustafa Beşe b. Ali Beşe, İbrahim Çelebi b. Halil, Ali Halife b. Mehmed, Mahmud b. İsa, Berber Hüseyin b. Hasan.