Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 104 Hüküm no: 61 Orijinal metin no: [23b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa oğlu Ali Ağa’nın vârisi Ebubekir oğlu Mehmed Ağa’ya vasi tayini Medîne-i hazret-i Ebâ Eyyüb Ensârî -radıye anhu Rabbühü’l-Bârî- mahallâtından Kiremitçi Süleyman Ağa mahallesinde sâkin iken bundan akdem vefât eden Ali Ağa b. Hasan Ağa’nın asabe-i nesebiye cihetinden vâris-i ma‘rûfu olan gāib ani’l-belde Mehmed Ağa b. Ebubekir’in hisse-i mevkūfesini ahz u kabz [ve] zabt u hıfza kıbel-i şer‘den bir vasî ve kayyım nasbı lâzım ve mühim olmağın emânet ile mu‘arrefe ve istikāmet ile mevsûfe her vechile vesâyet uhdesinden gelmeğe kādir idiği zeyl-i kitâbda muharrerü’l-esâmî Müslimîn haberleriyle lede’ş-şer‘i’l-enver zâhir ve mukarrer olan müteveffâ-yı mezbûrun kız karındaşı işbu râfi‘atü’l-kitâb Âişe Hatun’u hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi gāib-i mezbûrun hisse-i mevkūfesini ahz u kabz [ve] zabt u hıfza vasî ve kayyım nasb ve ta‘yîn buyurduklarında ol dahi vesâyet-i mezbûresini ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketbolundu. Fi’l-yevmi’t-tâsi‘ ve’l-ışrîn min-Ramazâni’l-mübârek li-sene tis‘a ve ışrîn ve mi’e ve elf. Şuhûdü’l-hâl: Hasan Çelebi b. Mehmed, Mustafa Efendi b. Hüseyin, es-Seyyid Mustafa b. Sefer, İsmail Efendi b. el-Hâc Osman, Ali Çelebi b. Abdulbâki. [24a] Bogasi kaplı kedi kürkü 1 360 akçe Şam alacası 1 380 akçe Bogasi kapama 1 250 akçe Köhne çakşır 1 50 akçe Köhne anteri ma‘a zıbun 1 80 akçe Çuka nimten 1 240 akçe Mâ’î çuka ser hatlı 1 400 akçe Müsta‘mel çakşır 1 360 akçe Def‘a köhne bogasi kaplı kedi kürkü 200 akçe Köhne zıbun 2 50 akçe Köhne kavuk 3 60 akçe Kırmızı çuka ferâce 1 970 akçe Köhne çuka yağmurluk 1 300 akçe Def‘a köhne alaca 1 100 akçe Yeşil çuka kaplı nâfe kürk 1 150 akçe Def‘a köhne alaca kapama 1 50 akçe Beyaz tüfenk kuşak 1 50 akçe Köhne bogasi kapama 1 100 akçe Köhne destâr 1 60 akçe Def‘a köhne destâr 1 150 akçe Pirinç zarflı sâ‘at 1 1200 akçe Çalar sâ‘at 1 910 akçe Kitâb-ı Muhammediye 1 300 akçe Kütüb-i müteferrika 4 260 akçe Nısf-ı menzil ber-vech-i tahmîn 24.000 akçe Hırdavât-ı menzil 1000 akçe Kara kılıç 1 360 akçe Cem‘an 33.690 akçe Minhe’l-ihrâcât Resm-i âdî 843 akçe Kâtibiyye 180 akçe Çukadâriye 120 akçe Muhzıriyye 120 akçe Dellâliye 200 akçe Kaydiyye 30 akçe Düyûn-ı müteferrika 280 akçe Cem‘an yekûn 1772 akçe El-bâkī 31.918 akçe Minhe’s-sülüs ber-mûceb-i vasiyet bâ-hüccet-i şer‘iyye 10.639 akçe Sahhu’l-bâkī li’t-taksîm beyne’l-verese 21.278 akçe Hissetü’z-zevci’l-mezbûre 2659 akçe Hissetü’l-binti’l-mezbûre 10.639 akçe Hissetü gāibi’l-mezbûr el-Hâc Ahmed 3990 akçe Hissetü gāibi’l-mezbûr Ali 3990 akçe Bu mahalde hatâ olunup sahîhi başka kâğıda kaydolunmuşdur. Mühür