Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 116 Hüküm no: 74 Orijinal metin no: [27a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadika-i Hassa ustalarından Süleyman oğlu Ömer Ağa’nın çocuklarına vasi tayini Havâss-ı Refî‘a kazâsı muzâfâtından Silivri kasabasına tâbi‘ Yapağıcı nâm karyede sâkin iken bundan akdem vefât eden hadîka-i hâssa ustalarından Ömer Ağa b. Süleyman nâm kimesnenin sulbî sagīr oğulları Orhan ve Ömer ve sulbiye sagīre kızları Fâtıma ve Ümmü Gülsüm nâm sıgār-ı mezbûrûnun tesviye-i umûrlarına kıbel-i şer‘den bir vasî nasbı lâzım ve mühim olmağın emânet ile ma‘rûfe ve diyânet ile mevsûfe her vechile vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn haberleriyle lede’ş-şer‘i’l-enver zâhir ve mukarrer olmağın sıgār-ı mezbûrûnun vâlideleri işbu sâhibetü’l-kitâb Âişe bt. Süleyman nâm hâtunu hâkim-i muvakkı‘-i sadr-ı kitâb tûbâ-[lehû] ve hüsnü-meâb efendi hazretleri dahi sıgār-ı mezbûrûnun vakt-i rüşd-i sedâdlarına değin tesviye-i umûrlarına vasî nasb ve ta‘yîn buyurduklarında ol dahi vesâyet-i mezbûre[yi] kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketbolundu. Fi’l-yevmi’s-sâbi‘ aşer min-Zilka‘deti’ş-şerîfe li-sene tis‘a ve ışrîn ve mi’e ve elf. Şuhûdü’l-hâl: Muslu Efendi b. el-Hâc Musa ve Hadîka-i Hâssa ustası Musa Ağa b. Abdullah ve Hadîka-i Hâssa ustası Mustafa Ağa b. Ali, Balya Hüseyin Ağa b. Ömer, Mustafa Efendi b. Ali ve el-Hâc Mustafa Ağa b. Ali, Ahmed Çelebi b. el-Hâc Kenan ve Ali Çelebi b. Süleyman ve gayruhüm.