Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 131 Hüküm no: 85 Orijinal metin no: [31a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa oğlu Mehmed Bey’in terekesi ve taksimi Havâss-ı Refî‘a kazâsı muzâfâtından Çekmece-i Kebîr nâhiyesine tâbi‘ Bosna nâm karyede sâkin iken budan akdem vefât eden Mehmed Bey b. Mustafa’nın verâseti zevce-i menkûha-i metrûkesi Hadice Hatun bt. Abdullah ile ve babası mezbûr Mustafa b. Resul’e vilâyet-i Anadolu’da Kastamonu sancağında ( ) kazâsında sâkine vâlidesi Nasıra Hatun bt. Abdullah ile sulbî sagīr oğlu Ahmed’e münhasıra olduğu şer‘an zâhir ve müte‘ayyin oldukdan sonra sagīr-i mezbûrun tesviye-i umûruna bâ-hüccet-i şer‘iyye vasiyy-i muhtârı olan mezbûre Hadice Hatun ve gāib-i mezbûre Nasıra Hatun’un hisse-i mevkūfesini ahz u kabz [ u] zabta kıbel-i şer‘den vasî ve kayyım nasb olunan Mustafa Beşe b. Abdullah taleb ve ma‘rifetleriyle tahrîr ve taksîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’s-sâmin min-Recebi’l-ferd li-sene tis‘a ve ışrîn ve mi’e ve elf. Köhne çuka Yeşil 1 120 akçe Köhne nâfe kürk 1 401 akçe Köhne bogasi kapama 1 111 akçe Erguvânî çuka dolama 1 231 akçe Neftî çuka dolama 1 229 akçe Köhne destâr 1 70 akçe Def‘a neftî dolama 1 510 akçe Kırmızı çuka sırçalı 1 623 akçe Köhne çuka çakşır 1 100 akçe Cedîd çuka çakşır 1 500 akçe Kırmızı bez sofra 1 20 akçe Kırmızı çuka kaplı nâfe kürk 1 1809 akçe Def‘a neftî dolama 1 500 akçe Neftî çuka dolama 1 800 akçe Şam alacası 1 525 akçe Köhne hilâlî 1 80 akçe Köhne kürk 1 66 akçe Köhne göcen kürkü 1 400 akçe Köhne kedi kürkü 1 60 akçe Köhne zıbun 1 90 akçe [31b] Köhne kürk bogasi kaplı 1 66 akçe Köhne kavuk 1 48 akçe Sakal tarağı 1 8 akçe Hoşâb tası 1 40 akçe Def‘a tas 1 60 akçe Bakır sahan 1 40 akçe Def‘a bakır sahan 2 130 akçe Sahan ma‘a kapak 1 240 akçe Dökme sahan 1 120 akçe Kırmızı bakır sahan 420 akçe Kahve ibriği 1 20 akçe Evsat sini 1 258 akçe Koyun makraması 15 370 akçe Âbdest makraması 1 45 akçe Tencere ma‘a kapak 3 500 akçe Güğüm 1 350 akçe Def‘a kahve ibriği 1 50 akçe Sagīr sahan 3 150 akçe Lengeri 6 60 akçe Hamâm tası 1 60 akçe Hurda bakır 1 10 akçe Saban demiri 3 140 akçe Balta 2 60 akçe Leğen 1 ma‘a kafes 1 150 akçe Beylik çuka mak‘ad 2 ma‘a ferace 1 240 akçe Köhne yorgan 50 akçe Tencere 10 çift 300 akçe Kara kılıç 1 150 akçe Sim hançer ma‘a bıçak 1 1200 akçe Def‘a hançer ma‘a bıçak 1 1200 akçe Âlât-ı çift 120 akçe Kısrak 2 re’s 3200 akçe Camus 1 çift 3000 akçe Tek Camus 1 1200 akçe Dakîk 10 keyl 500 akçe Kovan 10 120 akçe Nükūd akçe 20.780 akçe Çiftlik der-karye-i mezbûr ber-vech-i tahmîn 30.000 akçe Mez[r]û‘ hınta 40 keyl Fî-200 8600 akçe Mezrû‘ şa‘îr 18 Fi 100 1800 akçe Mezrû‘ alef 36 keyl Fî 100 3600 akçe Mümkünü’l-husûl zimem der-zimmet-i Sinan Paşa 5400 akçe Der-zimmet-i Hasan Beşe 4680 akçe Cem‘an yekûn 87.803 akçe Minhe’l-ihrâcât Techîz ve tekfîn 3000 akçe Deyn-i müsbet-i mehr-i müeccel 6000 akçe Resm-i âdî 2195 akçe Kalemiyye 720 akçe Muhzıriyye 240 akçe Çukadâriye 240 akçe Ücret-i Mustafa Beşe 180 akçe Kaydiyye 30 akçe Düyûn-ı müteferrika 250 akçe Cem‘an yekûn 12.855 akçe Sahhu’l-bâkī li’t-taksîm beyne’l-verese Hissetü’z-zevci’l-mezbûre 6868 [akçe] 2500 [akçe] Eşyâ ve nükūd ve çiftlik Hissetü’l-ebi’l-mezbûr 9157 [akçe] 3333 [akçe] Eşyâ ve nükūd ve çiftlik Hissetü’l-ümmi’l-mezbûr 9157 [akçe] 3333 [akçe] Eşyâ ve nükūd ve çiftlik Hissetü’l-ibni’l-mezbûr 29.766 [akçe] 11.334 [akçe] Eşyâ ve nükūd ve çiftlik