Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 133 Hüküm no: 86 Orijinal metin no: [31b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bayram oğlu el-Hac Mehmed’in vârislerine harcanan terekesinin üçte birine ait muhasebesi Medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî- mahallâtından Evlice Baba mahallesinde sâkin iken bundan akdem vefât eden el-Hâc Mehmed b. Bayram’ın sülüs mâlından vesâyâsını tenfîze bâ-hüccet-i şer‘iyye vasiyye-i muhtâresi olan zevcesi Fâtıma bt. Hüseyin müteveffâ-yı mezbûrun sülüs mâlından ber-mûceb-i defter-i kassâm-ı askerî makbûz-ı masrûfu olup nâzırları olan Ali Çelebi ve el-Hâc Ahmed b. Hasan ma‘rifetleriyle vasiyye-i mezbûrenin görülen hesabıdır ki ber-vech-i âtî zikrolunur. Fi’l-yevmi’s-sâdis min-Muharremi’l-harâm li-sene selâsîn ve mi’e ve elf. Vasiyye-i mezbûrenin ber-mûceb-i defter-i kassâm-ı askerî makbûzu olan sülüs meblağ 15.449 [akçe] Minhe’l-masârıf İzn-i şer‘iyye ile Çavuş Kasım Câmi‘-i şerîfin ta‘mîri için masrûf 6000 akçe [32a] Sitti Hatun mektebine sıbyân için alınan kömür 240 akçe Mahmud Efendi mektebine sıbyân için alınan kömür 240 akçe Ali’den Ahmed Efendi’ye verilen 1200 akçe Ali’den iki nefer kimesneye verilen 480 akçe Eyüb mollası efendi hazretlerinin mahtûm-ı mükerremlerine verilen 370 akçe Berây-ı hatm-i şerîf 5 aded 1200 akçe Berây-ı vasiyet-i kitâb-ı Muhammediye 600 akçe Berây-ı mu‘taka hâtun 1200 akçe Fukarâdan beşer nefer kimesneye verilen 1200 akçe Müteveffâ-yı mezbûrun kabrine ta‘mîr için 2400 akçe Eyyâm-ı mu‘tâde tabh ve ta‘âm-ı it‘âm için masrûf 311 akçe Cem‘ân _____ yekûn 15.449 akçe Vasiyye-i mezbûrenin makbûzu olan sülüs-i mezbûr on beş bin dört yüz kırk dokuz akçeyi bâlâda zikrolunduğu üzere harc ve sarf edip vasiyye-i mezbûrenin yedinde ve zimmetinde bir akçe ve bir habbe bâkī kalmadığı bu mahalle şerh verildi.