Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 175 Hüküm no: 130 Orijinal metin no: [44b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Çavuş oğlu Süleyman Bey’in kızına vasi tayini Medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî- mahallâtından Kiremitçibaşı mahallesi ahâlîsinden iken bundan akdem mahrûse-i Edirne’de vefât eden Süleyman Bey b. Hüseyin Çavuş’un sulbiye kızı Hadice’nin vakt-i rüşd-i sedâdına değin kıbel-i şer‘den bir vasî nasbı lâzım ve mühim olmağın emânet ile ma‘rûfe ve diyânet [ile] mevsûfe her vechile vesâyet uhdesinden gelmeğe kādir idiği zeyl-i vesîkada muharrerü’l-esâmî Müslimîn haberleriyle lede’ş-şer‘i’l-enver zâhir ve mukarrer olan sagīr[e]-i mezbûre [45a] Hadice’nin vâlidesi işbu râfi‘atü’l-kitâb Zeyneb Hatun bt. Hüseyin’i hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi sagīr[e]-i mezbûrenin vakt-i rüşd-i sedâdına değin vasî nasb ve ta‘yîn buyurduklarında ol dahi vesâyet-i mezbûreyi kabûl ve hizmet-i lâzımesin kemâ-yenbagī edâya ta‘ahhüd ve iltizâm etmeğin mâ-vaka‘a bi’t-taleb ketbolundu. Fi’l-yevmi’s-sâdis Cemâziyelâhir li-sene selâsîn ve mi’e ve elf. Şuhûdü’l-hâl: Mustafa Efendi b. Hüseyin, İsmail Efendi b. el-Hâc Osman, es-Seyyid Mustafa b. Sefer, es-Seyyid Süleyman b. es-Seyyid Mehmed.