Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 177 Hüküm no: 133 Orijinal metin no: [45b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa oğlu es-Seyyid Mehmed’in terekesi ve taksimi Havâss-ı Refî‘a kazâsı muzâfâtından Çatalca nâhiyesine tâbi‘ Orçunlu nâm karyede sâkin iken bundan akdem vefât eden es-Seyyid Mehmed b. Mustafa’nın verâseti zevce-i menkûha-i metrûkesi Âişe Hatun bt. Mustafa ile sulbiye sagīre kızı Fâtıma’ya ve li-eb er karındaşları İsmail ve Ali’ye ve li-eb kız karındaşı Fâtıma Hatun ile mahrûse-i Edirne’de sâkin li-eb er karındaşı Abdurrahman’a münhasıra olduğu şer‘an zâhir ve müte‘ayyin oldukdan sonra sagīre-i mezbûrenin vâlidesi ve tesviye-i umûruna kıbel-i şer‘den mansûbe vasiyyesi mezbûre Fâtıma Hatun ve gāib-i mezbûr Abdurrahman’ın hisse-i mevkūfesini ahz u kabz ve zabt u hıfza kıbel-i şer‘den vasî ve kayyım nasbolunan vâlidesi Hadice Hatun ve mezbûrân İsmail ve Ali ve Fâtıma taleb ve ma‘rifetleriyle tahrîr ve taksîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’s-sâdis min-Cemâziyelâhir li-sene selâsîn ve mi’e ve elf. Camus öküzü 1 çift 6600 akçe Camus ineği ma‘a dana 1 2400 akçe Def‘a camus ineği 1 1300 akçe Kara sığır öküzü 1 çift 2420 akçe Def‘a kara sığır öküzü 1 çift 3110 akçe Kara sığır tosunu 1 900 akçe Def‘a kara sığır tosunu 2 710 akçe Kara sığır ineği 1 ma‘a dana 1 660 akçe Kısrak 1 ma‘a tay 2 1821 akçe Bir mikdâr otlak 600 akçe Bir mikdâr taş 1000 akçe Direk 12 100 akçe Köhne araba 180 akçe Kanat arabası 1 900 akçe Kırmızı dizlik 1 100 akçe Tabancalı 1 150 akçe Çuka nimten 1 71 akçe Mâ’î çuka demir kıvıran 1 400 akçe Köhne dizlik 1 ma‘a aba şalvar 1 85 akçe Aba yağmurluk 1 101 akçe Köhne tüfenk kuşak 1 30 akçe Beyâz aba yağmurluk 1 120 akçe Urgan 3 122 akçe Büyük sabani demiri 1 120 akçe Sagīr sabani demiri 2 130 akçe Kazma 1 30 akçe Saban kayışı 2 40 akçe Köhne çuval 3 120 akçe Kebîr bakraç 1 160 akçe Def‘a cedîd bakraç 1 180 akçe Evsat sini 1 130 akçe Sagīr Tencere 1 135 akçe Balta 2 81 akçe Polarlı keser 1 50 akçe Def‘a balta 1 55 akçe Keser ma‘a burgu hırdavât 1 110 akçe Çapa 1 ma‘a dirgen 1 40 akçe Yatık 1 63 akçe Köhne eğer 1 60 akçe Bir mikdâr enser 140 akçe Def‘a bir mikdâr enser 60 akçe Def‘a bir mikdâr demir 140 akçe Ağaç kile 1 30 akçe Destâr 1 240 akçe Kebe 1 120 akçe Bakır fenâr 1 90 akçe Döğen 1 140 akçe Camus çulu 1 çift 240 akçe Boyunduruk 1 30 akçe Bir mikdâr saman 180 akçe Fıçı 2 265 akçe Mezrû‘ hınta 30 keyl Fî 180 5400 akçe Mezrû‘ alef ma‘a şa‘îr 36 keyl Fî 30 1080 akçe Der-anbâr hınta 150 keyl Fî 30 5013 akçe Kazasker çayırın[ın] otlağı 1200 akçe Zevcesi zimmetinde altun 15 aded 4725 akçe Zimem-i nâsda mikraz 2000 akçe Nükūd der-kise Meblağ 13.200 Der-zimmet-i İsteryo Zimmi 24.600 akçe Der-zimmet-i ( ) Beşe 6400 akçe Menzil der-karye-i mezbûr ber-vech-i tahmîn 12.000 akçe Cem‘an yekûn Akçe 89.015 12.000 Eşyâ ve nükūd ve zimem Menzil ber-vech-i tahmîn Minhe’l-ihrâcât Techîz ve tekfîn 2200 akçe İskāt-ı salât berây-ı vasiyet 1200 akçe Deyn-i müsbet-i mehr-i müeccel bâ-hüccet-i şer‘iyye 5600 akçe Resm-i âdî 2489 akçe Kalemiyye ve Hüddâmiye 600 akçe Çukadâriye ve ihzariyye 600 akçe Dellâliye 1000 akçe Ücret-i bargir ve masârıf-ı lâzıme 2000 akçe Kaydiyye 120 akçe Eyyâm-ı mu‘tâde tabh-ı ta‘âm berây-ı vasiyet 2000 akçe Düyûn-ı müteferrika 1200 akçe Cem‘an yekûn-i ihrâ[câ]t 19.009 akçe Sahhu’l-bâkī li’t-taksîm beyne’l-verese Akçe 69.206 12.000 Eşyâ ma‘a nükūd ve zimem Menzil Hissetü’z-zevceti’l-mezbûre Akçe 8650 1500 Eşyâ ve nükūd Menzil Hissetü’l-binti’l-mezbûre Akçe 34.603 06.000 Eşyâ ve nükūd Menzil Hissetü’l-ahi’l-mezbûr Akçe 7314 1283 Eşyâ ve nükūd Menzil Hissetü’l-ahi’l-mezbûr Akçe 7314 1283 Eşyâ ve nükūd Menzil Hissetü’l-ahi’l-gāibi’l-mezbûr Akçe 7314 1283 Eşyâ ve nükūd Menzil Hissetü’l-uhti’l-mezbûr Akçe 3707 0642 Eşyâ ve nükūd Menzil