Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 188 Hüküm no: 141 Orijinal metin no: [49a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa oğlu es-Seyyid Mehmed’in kızının vasisi üzerine hasbi nâzır tayini Havâss-ı Refî‘a kazâsı muzâfâtından Çatalca Nâhiyesine tâbi‘ Orçunlu nam karyede sâkine iken bundan akdem vefât eden es-Seyyid Mehmed b. Mustafa’nın sulbiye sagīre [kızı] Fâtıma’nın vâlidesi ve tesviye-i umûruna kıbel-i şer‘den mansûbe vasiyesi olan Âişe Hatun bt. Mustafa’nın üzerine kıbel-i şer‘den bir hasbî nâzır lâzım gelmekle emânet ile ma‘rûf ve diyânet ile mevsûf her vechle nezâret uhdesinden gelmeğe kādir > idiği zeyl-i vesîkada muharrerü’l-esâmî Müslimîn ihbârlarıyla lede’ş-şer‘i’l-enver zâhir ve mukarrer olan sagīre-i mezbûrenin ammisi işbu râfi‘u’l-kitâb İsmail Ağa b. Ramazan’ı hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi vasiyye-i mezbûre Âişe Hatun’un üzerine hasbî nâzır nasb ve ta‘yîn eylediklerinde ol dahi nezâret-i merkūmeyi kabûl ve hizmet-i lâzımesin kemâ-yenbagī edâya ta‘ahhüd ve iltizâm [49b] etmeğin mâ-vaka‘a bi’t-taleb ketbolundu. Fi’l-yevmi’s-sânî min Recebi’l-ferd li-sene selasîn ve mi’e ve elf. Şuhûdü’l-hâl: es-Seyyid Mustafa b. Süleyman, Hasan Efendi b. Abdullah, Ali Beşe b. Hüseyin, Mehmed Beşe b. Sefer, Mehmed b. Musa, Hasan Beşe b. Hüseyin