Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 194 Hüküm no: 147 Orijinal metin no: [51a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. El-Hac Ahmed oğlu Mustafa Çelebi’nin çocuklarına vasi tayini Havâss-ı Refî‘a kazâsı muzâfâtından Çekmece-i Kebîr nâhiyesine tâbi‘ Eşkinöz nam karyede sâkin iken bundan akdem vefât eden Mustafa Çelebi b. el-Hâc Ahmed’in sulbî sagīr oğlu Ali ve sulbiye sagīre kızı Fâtıma’nın tesviye-i emrlerine kıbel-i şer‘den bir vasî nasbı lâzım ve mühim olmağın emânet ile ma‘rûfe istikāmet ile mevsûfe her vechle vesâyet uhdesinden gelmeğe kādire idiği zeyl-i kitâbda muharrerü’l-esâmî Müslimîn haberleriyle lede’ş-şer‘i’l-enverde zâhir ve müte‘ayyin olan sagīrân-ı mezbûrânın vâlideleri ve hâdıneleri işbu râfi‘u’l-kitâb Saliha Hatun bt. Hüseyin’i hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri sagīrân-ı mezbûrânın vakt-i rüşd-i sedâdlarına [değin] tesviye-i [51b] emrlerine vasî nasb ve ta‘yîn buyurduklarında ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketbolundu. Fî-gurreti Recebi’l-ferd li-sene selasîn ve mi’e ve elf. Şuhûdü’l-hâl: Ali Çelebi b. Mehmed, İbrahim Çelebi b. Hüseyin, Molla Ali b. el-Hâc Mustafa, Mehmed Çelebi b. İslam, Ramazan Beşe b. Abdülkerim, İbrahim Beşe b. Mustafa, Hasan Beşe b. Ramazan.