Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 209 Hüküm no: 165 Orijinal metin no: [57a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman oğlu Abdullah Bey’in kızına nafaka takdiri Medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî-mahallâtından Evlice Baba mahallesi ahâlîsinden iken bundan akdem Korfos Muharebesinde şehîden vefât eden Abdullah Bey b. Süleyman’ın sulbiye sagīre kızı Fâtıma’nın min-kable’l-eb ceddi işbu râfi‘u’l-kitâb mezbûr Süleyman b. Abdullah meclis-i şer‘-i şerîf-i enverde takrîr-i kelâm ve ta‘bîr ani’l-merâm edip hacr u terbiyemde olan sagīre-i mezbûrenin nafaka ve kisve bahâya eşedd-i ihtiyâcı olmağla babası müteveffâ-yı mezbûrdan müntakil mâlından kadr-i ma‘rûf nafaka ve kisve bahâ farz ve takdîr olunmak matlûbumdur dedikde mezbûr Süleyman’ın kelimât-ı meşrûhası vâkı‘a mutâbıka idiği zeyl-i <> vesîka [57b] da muharrerü’l-esâmî Müslimîn haberleriyle lede’ş-şer‘i’l-enver zâhir ve mukarrer olmağın hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi sagīrân-ı mezbûrenin babası müteveffâ-yı mezbûr Abdullah Bey’den müntakil mâlından kadr-i ma‘rûf yevmî yedişer akçe nafaka ve kisve bahâ farz ve takdîr buyurup meblağ-ı mefrûz-ı mezbûru sagīre-i mezbûrenin nafaka ve kisve bahâsına harc ve sarfa ve lede’l-iktizâ istidâneye ve inde’z-zafer mâllarından rücû‘a ceddi mezbûr Süleyman’a izin birle mâ-vaka‘a bi’t-taleb ketbolundu. Fi’l-yevmi’l--hâmis ışrîn min-Şa‘bâni’l-mu‘azzam sene 1130. Şuhûdü’l-hâl: Mehmed Efendi b. Ahmed İmâm, Mustafa Efendi b. Hüseyin, es-Seyyid Mustafa b. Sefer, Osman Çelebi b. el-Hâc Mustafa, Ömer Çelebi b. el-Hâc Mustafa.