Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 234 Hüküm no: 186 Orijinal metin no: [65a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim oğlu Ahmed Beşe’nin terekesinden varislerinin hisselerini aldıkları Husûs-ı âti’l-beyânın mahal[lin]de ketb ü tahrîri iltimâs olunmağın savb-ı şer‘-i enverden Mevlânâ Mustafa Efendi b. Hüseyin irsâl olunup ol dahi medîne-i hazret-i Ebâ Eyyüb el-Ensârî -aleyhi rahmetü Rabbihi’l-Bârî-’de Ali Paşa-yı cedîd mahallesi ahâlîsinden olup bundan akdem mahrûse-i Edirne’de müsâfiren sâkin iken bundan akdem vefât eden Ahmed Beşe b. İbr[a]him’in mahalle-i mezbûrda ile’l-vefât sâkin olduğu menzile varıp zeyl-i vesîkada muharrerü’l-esâmî Müslimîn huzûrlarında akd-i meclis-i şer‘-i nebevî ettikde müteveffâ-yı mezbûr Ahmed Beşe’nin verâseti zevce-i menkûha-i metrûkesi Rahime Hatun bt. Mustafa ile sulbî kebîr oğlu İbr[a]him Beşe ve sulbî sagīr oğlu Ali’ye münhasıra ve tashîh-i mes’eleleri [on] altı sehimden olup sihâm-ı mezbûrdan iki sehmi zevcesi mezbûre Rahime Hatun ve yedişer sehmi oğulları mezbûrân İbr[a]him Beşe ve Ali’ye isâbeti tahkīkinden sonra zâtı ta‘rîf-i şer‘î ile mu‘arrefe olan mezbûre Rahime Hatun meclis-i ma‘kūd-ı mezkûrda müteveffâ-yı mezbûrun sagīr oğlu mezbûr Ali’nin tesviye-i umûruna bâ-hüccet-i şer‘iyye vasiyy-i mansûb[u] olmağla tereke-i müteveffâ-yı mezbûra bi’l-vesâye vazı‘atü’l-yed olan işbu râfi‘u’l-kitâb Hüseyin Beşe b. Bali mahzarında ikrâr ve takrîr-i kelâm edip zevcim müteveffâ-yı mezbûr Ahmed Beşe’nin akār ve menkūl ve nükūd ve [bi]’l-cümle ism-i mâl ıtlâk olunur terekesinden hisseme isâbet eden dört yüz altmış guruşu vasiyy-i mezbûr Hüseyin Beşe bana def‘ ü teslîm ben dahi yedinden meblağ-ı mezbûru <> bi’t-tamâm ve’l-kemâl ahz u kabz edip vasiyy-i mezbûr Hüseyin Beşe zimmetinde meblağ-ı mezbûrdan bir akçe ve habbe hakkım bâkī kalmayıp ba‘de’l-yevm zevcim müteveffâ-yı mezbûrun akār ve nükūdu ve menkūl ve bi’l-cümle ism-i mâl ıtlâk olunur terekesine müte‘allika âmme-i mîrâs da‘vâsından vasiyy-i mezbûr Hüseyin Beşe ile müteveffâ-yı mezbûrun oğulları mezbûrân İbr[a]him Beşe ve Ali’nin zimmetleri[ni] ibrâ ve ıskāt eyledim dedikde gıbbe’t-tasdîki’ş-şer‘î vâki‘ hâli Mevlânâ-yı mezbûr mahallinde ketb ü tahrîr ba‘de ma‘an <> ba‘s olunan Çukadâr el-Hâc Mustafa b. Mehmed ve es-Seyyid Mustafa b. Sefer ile meclis-i şer‘a gelip her biri alâ-vukū‘ihi inhâ ve takrîr etmeğin mâ-vaka‘a bi’t-taleb ketbolundu. Fi’l-yevmi’s-sâlis min-Zilhicceti’ş-şerîfe [li]-sene selasîn ve mi’e ve elf. İbrahim Ağa el-mütevellî-i [sâ]bık, Ali Çelebi el-müezzin, Mahmud Beşe b. Mustafa, Hüseyin b. ( ) , İbrahim el-imâm b.