Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 243 Hüküm no: 193 Orijinal metin no: [67a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cidde’de öldürülen Ahmed Ağa b. Mehmed’in çocuklarına vasi tayini Medîne-i hazret-i Ebâ Eyyüb Ensârî -aleyhi rahmetü Rabbihi’l-Bârî- mahallâtından Yenikapı hâricinde vâki‘ Merkezefendi mahallesi ahâlîsinden olup medîne-i Cidde’de müsâfiren sâkin iken bundan akdem maktûlen vefât eden Ahmed Ağa b. Mehmed’in sulbî sagīr oğlu İbrahim ile ve sulbiye sagīre kızı Afife’nin tesviye-i emrlerine kıbel-i şer‘-i enverden bir vasî nasb ve ta‘yîn olunmak lâzım ve mühim olmağın sagīrân-ı mezbûrânın ammileri olup her vechle vesâyete ehil ve müstakīm olduğu zeyl-i kitâbda mastûrü’l-esâmî Müslimîn haberleriyle müte‘ayyen olan râfi‘u’l-kitâb Mehmed Ağa b. Mehmed’i hâkim-i muvakkı‘-ı sadr-ı kitâb tûbâ-lehû ve hüsnü-meâb hazretleri sagīrân-ı mezbûrânın tesviye-i emrlerine vasî nasb ve ta‘yîn buyurduklarında ol dahi vesâyet-i mezbûreyi kabûl ve merâsimini edâya ta‘ahhüd etmeğin mâ-vaka‘a bi’t-taleb ketbolundu. Fi’l-yevmi’s-sâlis ışrîn min-Muharremi’l-harâm sene selasîn ve mi’e ve elf Şuhûdü’l-hâl: el-Hâc Ahmed, Derviş Ali, Ali Çelebi, İbrahim Çelebi, Derviş İbrahim