Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 252 Hüküm no: 203 Orijinal metin no: [70a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Ahmed Efendi b. Mustafa’ya terekesinden olup satılan menzil bedelinin mirasçılarına taksimi Medîne-i hazret-i Eyyüb el-Ensârî -aleyhi rahmetü Rabbihi’l-Bârî-’de el-Hâc Hüsrev mahallesinde sâkin iken bundan akdem vefât eden el-Hâc Ahmed Efendi b. Mustafa’nın verâseti zevce-i menkûha-i metrûkesi İsmihan Hatun bt. Mehmed ile sulbiye sagīre kızı Ümmü Gülsüm’e münhasıra olduğu şer‘an zâhir ve müte‘ayyin oldukdan sonra sagīre-i mezbûrun tesviye-i umûruna bâ-hüccet-i şer‘iyye vasiyy-i muhtârı olan Halil Çelebi b. İbrahim ile zevcesi mezbûre İsmihan Hatun taleb ve ma‘rifetleriyle müteveffâ-yı mezbûrun bey‘ olunan mülk menzilin beyne’l-verese tahrîr ve taksîm olunan akçesidir ki ber-vech-i âtî zikrolunur Fi’l-yevmi’s-sânî min-Muhârremi’l-harâm li-sene ihdâ ve selasîn ve mi’e ve elf Müteveffâ-yı mezbûrun mahalle-i mezbûrede vâki‘ bey‘ olunan mülk menzil akçesi Meblağ 26400 akçe Minhe’l-ihrâcât Deyn-i sünnet-i mehr-i müeccel bâ-hüccet-i şer‘iyye 3000 akçe Resm-i âdî 565 akçe Kalemiyye kâtibiyye 120 akçe Çukadâriye 60 akçe İhzâriye 60 akçe Kaydiyye-i defter 20 akçe Düyûn-ı müteferrika 220 akçe Cem‘ân ____yekûn 4040 akçe Sahhu’l-bâkī li’t-taksîm beyne’l-verese 22360 akçe Hissetü’z-zevceti’l-mezbûre 2895 akçe Hissetü’l-binti’l-mezbûre 19565 akçe