Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 253 Hüküm no: 204 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Ahmed Efendi b. Mustafa’nın kızına ait vasisi tarafından yapılan irad ve masraf muhasebesi Medîne-i hazret-i Eyyüb Ensârî -aleyhi rahmetü Rabbihi’l-Bârî-’de el-Hâc Hüsrev mahallesinde sâkin iken bundan akdem vefât eden el-Hâc Ahmed Efendi b. Mustafa’nın sulbiye sagīre kızı Ümmü Gülsüm’ün bâ-hüccet-i şer‘iyye vasiyy-i muhtârı olan Halil Çelebi b. İbr[a]him nâm kimesne nâzırı olan sagīre-i mezbûrenin vâlidesi İsmihan Hatun bt. Mehmed ma‘rifetle sagīr-i mezbûrenin îrâd ve masârıfının muhâsebesi defteridir ki ber-vech-i âtî zikrolunur. Fî’[l-yevmi’]s-sâlis ışrîn min-Saferi’l-hayr li-sene ihdâ ve selasîn ve mi’e ve elf Vasiyy-i mezbûr Halil Çelebi’nin ber-mûceb-i defter-i kassâm-ı askerî kabz eylediği meblağ 19565 akçe Minhe’l-masârıf Sagīr-i mezbûre için alınan kıyâfete 300 akçe Sagīre-i mezbûre için nafakasına masraf 220 akçe Sagīre-i mezbûre için nafaka hücceti vesâyet ve izn-i menzil hücceti[ne] verilen harc 360 akçe Ve hüccetler için kalemiyye ve Hüddâmiye ve kaydiyyeye verilen harc 120 akçe Dellâliye-i menzil ve ba‘zı masârıf-ı lâzıme 340 akçe Cem‘ân yekûn 1340 akçe Vasiyy-i mezbûr Halil Çelebi’nin zimmetinde sagīre-i mezbûre Ümmü Gülsüm’ün ba‘de’l-muhâsebe yalnız on sekiz bin iki yüz yirmi beş akçe[si] kaldığı bu mahalle şerh verildi.