Eyüp Mahkemesi 138 Numaralı Sicil (H. 1129-1131 / M. 1717-1718) cilt: 61, sayfa: 253 Hüküm no: 205 Orijinal metin no: [70b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zaim Osman Ağa b. Mustafa’nın terekesi ve taksimi Medîne-i hazret-i Ebâ Eyyüb el-Ensârî -radıye anhu Rabbühü’l-Bârî-’de Kiremitçi el-Hâc Süleyman mahallesi ahâlîsinden olup medîne-i Sofya’da müsâfiren sâkin iken bundan akdem vefât eden Za‘im Osman Ağa b. Mustafa b. Osman’ın verâseti zevce-i menkûha-i metrûkesi Afife Hatun bt. Hasan ile sulbiye sagīre kızları Hadice ve Âişe ve Fâtıma’ya ve li-ebeveyn er karındaşları el-Hâc Ömer Ağa ile li-eb Rumeli’nde Yanbolu kazâsı sâkinlerinden gāib ani’l-meclis Eyüb ve Mehmed’e münhasıra olup kable’’l-kısme mezbûre Hadice dahi vefât edip verâseti vâlidesi mezbûre Afife Hatun ile karındaşları mezbûretân Âişe ve Fâtıma’ya ve ammileri mezbûr Ömer Ağa ile gāibân-ı mezbûrân Eyüb ve Mehmed[e] münhasıra olduğu şer‘an zâhir ve müte‘ayyin oldukdan sonra sagīretân-ı mezbûretânın vâlideleri ve tesviye-i emrlerine kıbel-i şer‘den mansûbe vasiyyeleri olan mezbûre Afife Hatun ile mezbûr el-Hâc Ömer Ağa taleb ve ma‘rifetleriyle tahrîr ve taksîm olunan tereke-i müteveffâ-yı mezbûrdur ki ber-vech-i âtî zikrolunur. Fi’l-yevmi’s-sâlis min-Muharremi’l-harâm li-sene ihdâ ve selasîn ve [mi’e ve elf] Mâ’î çukaya kaplı nafe kürk 1 2000 akçe Köhne kuzu kürk 1 140 akçe Kırmızı sof kürk 1 630 akçe Köhne samur bacesi kürk 1 2000 akçe Müsta‘mel çuka dolama 1 800 akçe Mor çuka kaplı köhne sincab kürk 2 1320 akçe Bogasiye kaplı sincab nafesi kürk 1 600 akçe Yanbolu kebesi 1 156 akçe Beyaz velence 1 140 akçe Kırmızı velence 1 226 akçe Seccâde 1 190 akçe Beledî yasdık 2 200 akçe Köhne mak‘ad 3 58 akçe Köhne kilim 1 160 akçe Def‘a kilim 1 159 akçe Def‘a kilim 1 105 akçe Köhne kaliçe 40 akçe Köhne şilte mâî 1 80 akçe Orta keçesi 1 520 akçe Kavuk 1 80 akçe Çuka çakşır 1 560 akçe Alaca anteri 1 200 akçe Şal kuşak 1 520 akçe Destâr 1 360 akçe Keman 1 80 akçe Beledî yasdık 7 minder 4 ihrâm 4 1320 akçe Def‘a çakşır 1 200 akçe Boylu tüfenk 1 1580 akçe Sagīr tüfenk 1 530 akçe [71a] Eğer 1 ma‘a üzengi 1 215 akçe Def‘a köhne sini 1 90 akçe Minder 1 120 akçe Güğüm 1 270 akçe Leğen 1 İbrik1 400 akçe Def‘a leğen 1 150 akçe Tencere ma‘a kapak 4 400 akçe Def‘a tancere 2 215 akçe Sahan 4 180 akçe Kahve ibriği 2 ma‘a tas 2 140 akçe Taba 1 160 akçe Kebîr sini 1 270 akçe Hoşâb tası 1 120 akçe Sepet sandık 1 105 akçe Sim raht ber-vech-i tahmîn 3600 akçe Hurdevât-ı menzil 18 akçe çiga tuğu? 60 akçe Cem‘ân yekûn 21962 akçe Minhe’l-ihrâcât Resm-i âdî 550 akçe Kalemiyye 150 akçe Çukadâriye İhzâriye 120 akçe Kaydiyye 20 akçe Dellâliye 350 akçe Düyûn-ı müteferrika ve masârıf-ı lâzıme 300 akçe Cem‘ân yekûn el-ihrâcât 1490 akçe Sahhu’l-bâkī li’t-taksîm beyne’l-verese 20472 akçe Hissetü’l-mezbûre Afife 3315 akçe Hissetü’l-mezbûre Âişe 6065 akçe Hissetü’l-mezbûre Fâtıma 6065 akçe Hissetü’l-merkūm el-Hâc Ömer 1674 akçe Hisse-i gāib Eyüb 1674 akçe Hisse-i gāib Mehmed 1674 akçe